«ابني كسرلي دراعي وشكري سرحان ضربني».. 10 تصريحات مثيرة للفنانة شريفة ماهر مع بسمة وهبة.. فيديو
ابني كسرلي دراعي وشكري سرحان ضربني، تصدرت الفنانة المعتزلة شريف ماهر، التريند وأشعلت السوشيال ميديا وتعاطف الكثيرون معها، بعد لقائها مع الإعلامية بسمة وهبة ببرنامج "90 دقيقة" المذاع على قناة "المحور"، والتي كشفت خلاله تفاصيل أزمتها مع ابنها شريف وسيطرته على ممتلكاتها دون رغبتها.
ونستعرض لكم أبرز تصريحات شريفة ماهر مع بسمة وهبة، كما يلي:
تصريحات شريفة ماهر
- وزعت جزءا كبيرا من ميراثى، على أولادي، "شريف وطارق" شتموني وضربوني وأخذوا كل اللي حيلتي.
- "شريف زقنى مرتين ودراعى اتكسر من 4 سنوات".
- "بنتي مش حنينة، وقلبها جامد عليا أكثر من إخواتها، حتى مش بتسأل عليا".
- "شريف طول عمره بيحب الفلوس أكتر من أبوه بيعبد القرش".
- "اعتزلت الفن وارتديت الحجاب منذ 45 عاما".
- "شكري سرحان ضربني بالقلم فى فيلم "أعز الحبايب"، وعينى جابت دم، وما بقتش أشوف كويس".
- "شريف ابنى استغل إني مبشوفش كويس، ومضانى على 4 عقود لأملاكى ما أعرفش فيهم إيه".
- "مش هشتكي ابني، ربنا هيجيب لى حقى، أبوه قبل ما يموت قال لى هأمّنك عشان شريف لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل فىّ كده".
- طردنى من شقتي الإيجار، ودلوقتى قاعدة فى عمارة كاتباها باسم بنتى نيفين، وحد قال لى إن شريف طلب الفيلا من الشهر العقارى رغم إن نيفين مسجلاها، وفعلا استولى عليها وخان الأمانة».
- "شريف بقاله 9 شهور ما قاليش انتى فين ولا سأل عليا".
اقرأ أيضا: ”ماحدش رباها غير جدتها”.. صديقة ياسمين صبري ترد على تصريحات والدها وتكشف الحقيقة
وخلال اللقاء بكت شريفة ماهر بعدما تدخل ابنها فى الحوار، وقال: "عارف إن الجنة تحت أقدام الأمهات، مش ممكن أشتمها، وإيدي تتقطع قبل ما أمدها، لكني اشتريت الشقق اللى عليها المشكلة، وعامل صحة توقيع منذ 2007، والمهندس اللي بنى العمارة معها شهد على هذه العقود".
وتابع: "بتقول بايعة لبنتها منذ 2011، إزاى هغيّر عقد البيع اللى هى عاملاه؟ اديتها فوق المليون جنيه وفوق الـ100 ألف جنيه سمسرة فى الفيلا اللي باعتها".
وأشار نجل شريفة ماهر في نهاية حديثه أن أمه حررت محضرا ضده، واتهمته بضربها وسبها وكسر الشقة، دون وجود أى إصابات، وهو ما يتضارب مع روايتها الآن التى تقول فيها إنه تسبب في كسر ذراعها منذ 4 سنوات.
وأضاف: "باعت شقتي لحد تانى، وما رضيتش أعمل محضر فيها، ولحد الشهر اللي فات باعت لها لحمة وفراخ وأرز ومكرونة، وببعت لها مؤن تكفيها شهر كامل»، لترد الأم: "رميت كل اللي انت بعته".
