لأول مرة.. تامر حسني يكشف المغني الحقيقي لـ ”راجعلي ليه” التي جمعته ببهاء سلطان

كشف الفنان تامر حسني، لأول مرة عن أنه هو المغني الحقيقي لـ "راجعلي ليه"، وليس النجم بهاء سلطان.

وقال "حسني"، خلال لقاءه ببرنامج "معكم"، الذي تقدمه الإعلامية منى الشاذلي، على قناة cbc: "ده مش بهاء أصلًا، أنا اللي غنيت الأغنية كلها، حاولت أجيب طبقة صوته، أنا بفهم فيها شوية".

اقرأ أيضًا: تامر حسني: أنا مبتكسفش وطالع أبهر الناس وأفرحهم

وأضاف: "الأغنية اتسربت إحنا منزلنهاش، وأنا قلدت صوت بهاء سلطان، لأننا كنا متفقين إننا هنسجل أغنية سوا، وروحت الاستوديو واستنيت بهاء ييجي اتأخر جدًا، واعتذر في الآخر، فقولتلهم افتحوا المايك، وحاولت أقلد صوت بهاء وفعلًا جبته، لدرجة إن الكل كان مصدوم ومصدقوش إن أنا اللي غنيتها".

وتابع النجم تامر حسني: "أنا كنت عايز أبقى فنان شامل، الناس تقول تامر عمل إضافة لتاريخه، خاصة إن أنا بكتب لنفسي، وبلحن وبغني، عملت توليفة مختلفة، وبشتغل عشان الناس وأعبر عنهم".