إدوارد يروي تفاصيل أول ليلة له مع فيروس كورونا
كشف الفنان إدوار، عن تفاصيل إصابته بفيروس كورونا، من خلال حسابه الشخصي، بموقع التواصل الاجتماعي فيس بوك.
وكتب: هحكيلكو علي اول ليله مع الكرونا بما انها اول مره تجيلي وطلعت منها بايه ليله صعبه جدا تعب في الجسم زي مايكون حد بعذبك وبدوس على كل حته في جسمك وصداع نفسك يغمي عليك عشان تخلص منه ورعشة فظيعه وطول الليل بقول يارب.
وتابع: مش هنكر في لحظة فكرت في الموت والناس اللي ماتت من الكرونا صدقوني ماخوفتش من الموت خوفت علي مراتي وولادي وعيلتي وانهم مسؤولين مني ولازم ابقى موجود عشانهم لازم اصلي لربنا عشان يقومني اكمل وحسيت اني فقدت شغف كل متع الحياه مش عاوز حاجه عاوز اكون كويس عشانهم بس انا من النوع اللي بحب الناس وبحب الحياه وبحب الاصحاب.
وأضاف: انبسط كتير اوي لما لقيت ناس كتير سألوا عليا اعرفهم ماعرفهمش وعاوزين يساعدني في محنتي بأي شكل ومنهم فنانين كبار بجد و إعلاميين كبار بجد ربنا يباركلكم في صحتكم وعيليتكم.
وأشار: كمان اكتشفت قد ايه مراتي انا غالي عندها مش هممها كورونا ولا موش كورونا قاعده جنبي تعملي كل حاجه تريحني قد ايه انتي ست عظيمة جالك كورونا ومقولتليش السنه اللي فاتت عشان كنت بشتغل ومش عاوزه تشغلني بيكي.
وأوضح: مكنتش عارف انها صعبه للدرجه دي بجد انتي جبل انكً استحملتي وكنتي واقفه كمان تخدمنا وتشوفي طلبتنا انا اسف اني محستش بيكي في الوقت ده اوعدك اقوم واعوضك عن كل ده الحياه مش مستاهلة غير انك تعيش مع ناس بتحبها و تحبك وتخاف عليك.
وأستطرد: دي الخلاصه اني فقدت الشغف في متع الحياه عاوز اعيش مستور انا وعيلتي ويكون حواليه ناس بحبها وبتحبمي ونتمني لبعض الخير وبس في ليله واحده الدنيا علمتني كتير ربنا يبعد عنكم اي حاجه وحشه.
يذكر أن آخر أعمال إدوارد، مسلسل نسل الاغراب، الذي شارك به الموسم الرمضاني المنقضي، وشارك في بطولته مي عمر وأحمد السقا وأمير كرارة، والمسلسل من إخراج محمد سامي
