بعد حديث منة عرفة عن إلهام شاهين.. خناقة جديدة بين طليقها وفنانة شهيرة
فاجيء طليق منة عرفة الجمهور والمتابعين بخناقته الأخيرة مع الفنانة منة جلال بسبب تصريحات الأولى خلال لقائها التلفزيوني الأخير ببرنامج سابع سما.
وكانت منة عرفة قالت في لقائها مع الإعلامية راغدة شلهوب عبر شاشة قناة النهار، موجهة كلامها للفنانة إلهام شاهين: "احتفظي برأيك لنفسك هو حد طلب رأيك هو إحنا لازم نتباس".
وانتقدت الفنانة منة جلال من تصريحات منة عرفة عن إلهام شاهين وكتبت عبر صفحتها بموقع "فيسبوك": "منة عرفة انتى رصيدك ايه عشان تتكلمى بالطريقة دي، وبأسلوب غير محترم فى برنامج على النجمة إلهام شاهين.. طب حتى احترمى فرق السن وقولى استاذة مش انتى".
وتابعت: "شوفلها حد يتجوزها ويخلصنا ايه الأسلوب ده اتعلمي حتى من الأجيال اللى قبلك عشان تعرفى تحترمى النجوم الكبار مرار طافح بجد".
ورد عليها محمود المهدي طليق منة عرفة وقال: "يابت ده وانتي رايحة أنا راجع، ماتهدى على نفسك انتى والكبيرة بتاعتك أنا معرفش ديانتكم إيه والله بس منة لسه على ذمتي.. ومسمحش لحد من الوسط النضيف أوي بتاعكم يجيب سيرتها".
واختتم كلامه: "ويا جماعة أنا متكفل بالفرح ليها هي والمعلمة بتاعتها والله أد كلامي"، لترد منة جلال قائلة: "أنا مش هرد عليك أنا نقابتى نقابة المهن التمثيلية هى اللى هتعرف ترد عليك كويس".
