بعد تصدر «مربوحة» التريند.. رحمة أحمد تعلق على مقارنتها بدنيا سمير غانم في «الكبير أوي 6»

تصدرت الفنانة الشابة رحمة أحمد، التريند على مواقع التواصل الاجتماعي، بعد تألقها في تقديم دور "مربوحة" في مسلسل "الكبير أوي 6"، خاصة بعد مشاهدها في ليلة الدخلة على النجم أحمد مكي في حلقة أمس.

مربوحة في مسلسل الكبير أوي 6

وأعربت رحمة أحمد، عن سعادتها البالغة بردود الفعل على دور "مربوحة"، في مسلسل "الكبير أوي 6"، وإشادة النجوم بها، وعلقت على مقارنتها بالنجمة دنيا سمير غانم التي قدمت الأجزاء السابقة من المسلسل.

وكتبت رحمة، عبر حسابها الشخصي بموقع التواصل الاجتماعي فيسبوك: "أنا مش عارفة أعبر عن إحساسي بالامتنان.. الحمدلله والشكر لله أي حاجة حلوة حصلت أو اتقالتلي ده كرم كبير أوي من ربنا يمكن أكبر من اللي استحقه.. عاوزة أقول 3 نقط".

تعليق رحمة أحمد على مقارنتها بدنيا سمير غانم

واستكملت: "الأولي وهفضل أقول البوقين دول كل ما حد يشاور النقطة دي أن فنانة زي دنيا سمير غانم لا تقارن بحد... أنا مش حد خالص ... أنا من فانز دنيا سمير غانم.. لان لو اتحطينا في مقارنة من المؤكد اني انا اللي هبقى خسرانة".

وتابعت: "الثانية .. بعد توفيق ربنا .. أن فنان زي أحمد مكي يدي مساحة لحد يقول حاجة مبتحصلش من أي فنان موجود عالساحة.. الراجل ده عنده اللي يكفيه وزيادة أنه يسيب فنان قدامه يقول وهو سايب إيده.. مهما اتكلمت عنه مش هوفيه حقه فنيا ولا إنسانيا.. المبدع أحمد الجندي ميتخيرش عنه... يسيبك تقول..ويعليك..ويركبلك شغل .. وذكي يعرف يطلع ضحك من أي شخصية ويحطها في مكانها الصح".

وأضافت: "الثالثة.. ليك أنت يا حبيب قلبي.. أخويا الكبير الداعم المستمر بكل الطرق...صادق في فرحته .. أنا مهما حكيت عاللي عملته معايا عشان أوصل إني ابقا في عمل من أهم الأعمال في رمضان مش هكفي فيك كلام.. شكرا أحمد أمين الأخ والفنان والإنسان إنك دايما جنبي، أحمد أمين.. أحمد مكي.. أحمد الجندي.. أنتم مكسب لأي فنان ولأي شخص وبشكر ربنا دايما أن ربنا كتبلي أني أعرفكم".

أقرأ أيضًا.. الحلقة 5 ”الاختيار 3”.. السيسي ينصح مرسي بالانحياز للشعب وليس للجماعة

واختتمت رسالتها بالشكر قائلة: "شكرا لأي حد دعمني حتي لو بكلمة كويسة وبالأخص صلاح الدالي.. فنان هياخد حقه كويس جدا ويستاهل أكتر بحبك يا صلوحة.. شكرا لأي حد وقف جنبي واللي أداني ضهره وربنا لاوريك".