مرتضى منصور: أحمد وأمير خدامين «عزبة الزمالك».. وأقول للجماهير «بلاش وهم»

تحدث مرتضى منصور رئيس مجلس إدارة نادي الزمالك، عن الصفقات المقبلة لتدعيم صفوف الفريق الأول لكرة القدم، خلال فترة الانتقالات الصيفية.

وقال مرتضى منصور في تصريحات مصورة عبر قناة "اليوتيوب": "أمير مرتضى منصور خلص في صفقات قوية والعقود معايا، بس مش هقول أسماء اللاعبين علشان عندي لاعبين في نفس مراكزهم والدوري لسه مستمر".

وتابع: "صفقات الزمالك في الموسم الجديد مش هتتخيلوها، وأحمد وأمير مرتضى شغالين في عزبة اسمها الزمالك أو خدامين فيها مش أصحاب العزبة".

وأعلن رئيس الزمالك عن تجديد عقد الكوبي يوسفاني هيرنانديز لاعب فريق الطائرة، حيث قال: "الزمالك عامل زي مصر، اللي يشرب من نيلها يحبها ويقعد فيها واللي يدخل بابها زي ما إنتو شايفين، يوسفاني بيحب الزمالك وهيكمل".

ووجه رئيس الزمالك رسالة لجماهير القلعة البيضاء، حيث قال: "مرتضى منصور مش بيجي بهاشتاج علشان يجدد عقود اللاعبين، إنتو عايشين في وهم، وبلاش الأسلوب القديم ده".

اقرأ أيضًا: قائمة الزمالك لمواجهة المصري في الدوري

واختتم: "إحنا محتاجين اللاعبين أكتر منكم، اتقوا ربنا وافرحوا يوسفاني مكمل مع الفريق لمدة سنتين وهيوقع على العقود الفترة الجاية".