كواليس اعتزال شادية للفن.. من «خد بإيدي» للقاء الشيخ الشعراوي
بعد عامين من عرض أخر أفلامها "لا تسألني من أنا" وبعد أقل من شهر من مشاركتها في حفل "الليلة المحمدية" بمناسبة المولد النبوي وغنت فيه أغنيتها "خد بإيدي" قررت شادية الاعتزال في 1986 وبعد رحلة فنية كبيرة وتمسكت بقرارها رغم الضغوط التي مارست عليها، وتفرغت للعبادة وعمل الخير ومساعدة المحتاجين ورعاية الأيتام، وكانت قليلة الظهور في سنوات الأخيرة.
شادية كواليس بداية تفكيرها في الإعتزال في حوار نادر في 1993 بثه بصوتها برنامج "معكم منى الشاذلي" وقالت فيه أنها في الفترة الأخيرة عندما كان يعرض عليها أغاني أو روايات لا تعجبها وأحيانا تشعر بالكسل ولا تقرأ ما يعرض عليها.
"كنت عايزة أعتزل قبل مسرحية ريا وسكينة وكان شغلي فيه حاجتين حلوين إني بغنى وأمثل لما كنت ألاقي فيلم مفيش فيه أغاني أمثل فيه لو مالقتش فيلم حلو أعمل أغنية كانت حياتي مليانة بعملي وبشغلي ولما كانت تجيلي رواية أكسل أقراها أو أسيبها وفكرت أعتزل".
وبالرغم من تفكيرها في قرار الاعتزال لم تقاوم عرض المخرج حسين كمال في المشاركة في مسرحية "ريا وسكينة" تقول "كنت بحب ريا وقابلها في الأفلام يعني الشخصية دي بتعجبني وقولتله ابعت لي الرواية وبعت لي الفصل الأول ولما قريتها لقيت نفسي نسيت كل حاجة ومش عايزة غير أعمل المسرحية دي وقدمتها على المسرح 4 شهور، فادني المسرح إني كنت برجع من الساعة 3 أو 3 ونص وابتديت أصلي الفجر وماكنتش بصلي الفجر ومن هنا ابتدى المشوار إن شغلي مش هيديني وقت أصلي أو أقرأ قرآن وكنت أصلي الفجر وأعيط وأقول يارب عايزة أروح الحج".
وقالت في حوارها أنها بعد أن أجرت عملية في أمريكا وعودتها سافرت وأدت مناسك العمرة، بعدها تواصل معها علي هيكل وعرض عليها أغنية دينية في المولد النبوي ووافقت وكانت أغنية "خد بإيدي" وكانت سعيدة بالأغنية "عمري ما حسيت بأمان وراحة زي ما حسيت في الحفلة دي وبعدها روحت عمرة تاني وحجيت وكنت مقررة إني مش هشتغل أفلام تاني أغاني بس" تقول شادية أنها كانت تشعر بالقلق وعدم القدرة على حفظ الأغاني التي تعرض عليها.
أخبرت الشاعر أحمد شفيق كامل بالأمر فأخبرها أنها تريد أن ترتدي الحجاب في حالة لو كنتي تريدي "تاني يوم اتصلت بالشيخ الشعراوي وطلبت مقابلته وروحت قولت له أنا كنت واعدة سبحانه وتعالى إني مش هغني غير أغاني دينية أشكره إنه نجحني كل السنين دي وسترني لكن أنا دلوقتي مش عايزة أغني أنا عايزة أتحجب وأقعد فهل ده حرام علشان إديت وعد وأنا هتخلى عن الوعد هل عادي أتخلى عنه قالي اللي إنتي عملتيه ده أحسن مليون مرة من اللي كنتي عملتيه بس تصممي قومت من عنده وكنت رايحة محجبة نزلت السلالم كأني بنت عندها 16 سنة عمري ما حسيت بسعادة زيها من بعدها النور ظهر في حياتي".
اقرأ أيضًا..
