عاجل| ابنة محمد شومان تفتح النار على أبيها الهارب وتتبرأ منه: وجودك هو الأذى في حياتنا
حالة كبيرة من الجدل أثيرت خلال الساعات القليلة الماضية، بعدما تبرأت ابنة الفنان الهارب محمد شومان الهارب من أبيها، وكذبت ما كتبه في البيان الذي نشره على صفحته الرسمية بموقع "فيس بوك"، والذي ناشد فيه المنظمات الحقوقية بسرعة التدخل للإفراج عن أفراد أسرته لاعتقالهم من قوات الأمن على حد قوله.
ابنة محمد شومان تتبرأ منه
وكتبت لوجين جومان ابنة محمد شومان تعليقًا على الفيديو الذي نشرته عبر حسابها بموقع "فيس بوك": "اضطريت آسفة أعمل الفيديو ده بعد ما تجنبته لسنين، لأسباب كتير قوي منها أن ناس قليلة جدا اللي تعرف أنك بابايا، فعلا كان نفسي أكمل كده ومحدش يعرف، ده رد على البيان اللي محمد شومان أصدره النهاردة على صفحته".
وبدأت لوجين شجومان حديثها من خلال الفيديو قائلة، "أنا لوجين شومان ابنة محمد شومان اللي أصدر بيان النهاردة بيناشد السلطات أنهم ينقذوا أسرته اللى بيموتوا بالبطئ، أسرته اللي هو أنا وأختي وأخويا أحمد وأنهم يفرجوا عن أخويا من غير أي شروط، الأول عاوز أعلق على كذا حاجة في البيان أننا مش أسرتك علشان أنت مجرد اسم على البطاقة، وإحنا مالناش صلة بيك وقطعنا كل ما له علاقة بيك من 5 سنين".
ابنة محمد شومان: وجودك هو الأذى في حياتنا
واستكملت حديثها قائلة: "وابنك اللي بتناشد السلطات علشان تطلعه اللي أنت ماتحملتش مسئوليته من وهو عنده سنة ونص واللي أمه ربته أنت مش رب أسرتنا، إحنا رب أسرتنا أمنا، ورب أسرة أحمد أمه أنت مش مسئول عننا ولا مسئول مننا، مش من حقك تطلع في بيان تتكلم بلسانا، إحنا مطلبناش منك ده أنت بتتكلم عن أخوك وابنه بس مالكش دعوة بينا، وبيتحقق معاه علشان يتأكدوا أنه ما فيش صلة بيك تماما، وده هما عارفين ده كويس وهيطلع.. ماتدخلش أرجوك".
وتابعت: "لو عاوز تعمل صورة الأب، انزل وواجه ده بنفسك، بس ماتبقاش قاعد فى بلد تانية وإحنا ملناش أي صلة بيك وتتكلم باسمنا، حاولنا نشيل اسمه ونرفع قضايا بس ماعرفناش وبنوجه رسالة للسلطات لو هما يعرفوا يساعدونا نعمل ده وازاي نتبرأ تماما منه إحنا بنحاول خليكوا معانا، وأرجوك ماتتكلمش بلسانا، وماطلعش بيانات إحنا وأنت عارفين إن أنت بتعمل ده بس علشانك".
واختتمت حديثها قائلة، "بتتكلم عن فيلم وبتعمله له دعايا على قفانا، مش عارفة المفروض أقولك ايه الحقيقة، أنت بتقول إن أسرتي بتموت بالبطئ، ووجودنا هنا أذى لينا، إحنا موجودين هنا طول السنين دي بإرادتنا مافيش أذى من الدولة علينا، وجودك هو الأذى الوحيد فى حياتنا، أنت هناك علشان ده قرارك أنت لوحدك ان انت تكمل هناك وإحنا هنا علشان عاوزين نفضل هنا وكملنا حياتنا وبنيناها من غيرك".
قصة هروب محمد شومان ودعمه لـ"الإرهابية"
يُذكر أن محمد شومان أحد الداعمين لجماعة الإخوان الإرهابية، واختفى عن الساحة الفنية عقب ثورة يونيو وسافر هاربا إلى تركيا، حيث انضم للعاملين بقناة الشرق الإخوانية، وذلك لتقديم الأحداث في مصر بواقع هزلي، في طريقة أشبه بالسخرية من الحكومة والمسئولين.
اقرأ أيضًا: لدعم أطباء مصر.. حسن شاكوش يطرح أغنية جيشنا الأبيض (فيديو)
وشارك محمد شومان والفنان الهارب هشام عبد الحميد ومجموعة من الممثلين المستقرين في تركيا، في فيلم بسبوسة بالقشطة الذي عرض مؤخرًا في ضمن فاعليات المهرجان الأوروبي، وهو فيلم قررت عناصر الجماعة الإرهابية إنتاجه للتحريض على الدولة المصرية من خلال تناول حياة السجون المصرية من وجهة نظر إخوانية معادية.
