بعد وفاة مصطفى حفناوي.. هجوم على صديقه علي غزلان بسبب صورة من داخل القبر
تعرض اليوتيوبر علي غزلان لنقد وهجوم شديد عليه بعد إثارته لحالة من الجدل بعدما نشر صورة لقبر وعليها دعاء للراحل مصطفى حفناوي، والتي زعم الكثيرون أنها صورة من داخل قبر اليوتيوبر الراحل، وتم اتهامه بعد احترام حرمة الميت والمتاجرة بوفاة صديقه.
ومن جانبه رد علي غزلان الرد على تلك الموجة من الهجوم عبر حسابه على موقع التواصل الاجتماعي "فيس بوك"، حيث كتب: "حسبي الله ونعم الوكيل صفحه منزله صورة لقبر #فاضي ، خدت الصورة ونزلتها وكتبت عليها دعاء الناس داخله تقول اني بشير قبر مصطفى وإن مصطفى جوة وحرمه الميت !!".
أضاف: "دي صورة لقبر فاضي أقسم بالله ومش أنا اللي مصورها .حرام عليكوا ، أنا مش ناقص، حرام تتاجروا بيا عشان تلموا لايكات وتشتموا ! حرام عليكوا وربنا".
وتابع: "إحنا مش ناقصين ! إحنا تعبانين ! حرام عليكوا أنا طول الجنازة ممسكتش موبيلي أصلا ولا طلعته من جيبي وعزة جلال الله .. الناس كانوا معايا تقدروا تسألوهم .قسماً باله مصورتش ومنزلتش حاجه .الناس بدل ماتدعي لمصطفى داخلين يشتموا ويختلقوا مواضيع كذب وافتراء !".
وانهى حديثه كاتبًا: "وانتوا متشيروش حاجه لأي حد قبل ماتتاكدوا منها أرجوكم .. في ناس قذرة ربنا ينتقم منهم بيصطادوا في الميه العكرة .حسبي الله ونعم الوكيل ،، اتقوا الله".
هجوم على علي غزلان
وجاءت بعض تعليقات كالتالي: "علي غزلان مصور جثمان صاحبه الميت وهو متكفن و جوا القبر لما اتشتم مسحها عاملة افكر ليه بني آدم ممكن يعمل كده في الدنيا في وقت الصور فيه بتفضل موجودة على الإنترنت مَش بس مفكرش في أهله لا حتى محترمش حرمة القبر ".
وعلق آخر كالتالي: "لوحضرت جنازة حد بيكون كل تفكيري بعد ما يدفن والناس تمشي ايه اللي هيحصله ويا ترى هيعدي من الأسئله ولا ويا ترى ايه اللي ممكن يكون ييحصل جوه القبر ف عالم موازي علي غزلان بيطلع تليفونه بيصور قبر صاحبه اللي هيتدفن وبينزل استوري ربنا يكفيك شر الميديا والشهرة حتى لو على حساب صاحبك".
اقرأ أيضًا: بعد هجومه عليه بسبب وفاة مصطفى حفناوي.. أشرف زكي يعتذر لهاني شاكر نيابة عن فلوكس
وكانت حالة من الصدمة والآسى انتابت مواقع التواصل الاجتماعي، بعد وفاة اليوتيوبر مصطفى حفناوي، الذي كان حديث السوشيال ميديا والمواقع الإخبارية، خلال اليومين الماضيين وذلك بعد فترة قصيرة من المعاناة مع المرض عقب تشخيصه بجلطة في المخ.
