هنيدي يتحدث عن شرب الخمر وتوقعات انتهاء كورونا والجزء الثاني من ”همام في أمستردام” (صور)
فاجأ النجم الكوميدي، محمد هنيدي، جمهوره بمنشور طرح عليهم من خلاله فتح باب التساؤلات وسيجيب على بعضها.
وكتب هنيدي من خلال منشور عبر حسابه بموقع التواصل الاجتماعي "فيس بوك"، "يلا كل اللي عايز يسأل سؤال يسأل وهجاوب على شوية أسئلة".
فيلم صعيدي في الجامعة الأمريكية
ووجه متابع سؤال عن فيلم "صعيدي في الجامعة الأمريكية": معلقًا "مش كان في كلام عن جزء ثاني لصعيدي في الجامعه الامريكية.. هو أنا هفضل مستنية كتير بصوت روز زهرة الربيع المتفتحة؟"، ليرد: "بنفكر نعمل الجزء الثالث قبل الثاني".
فيلم همام في أمستر دام
ووجه له أحد المتابعين سؤالًا آخر عن الجزء الثاني من "همام في امستردام"، وتوقعاته لأحداثه، وتضمن السؤال: "عايزين جزء تاني من همام بعد ما اتجوزت البنت واشتريت المطاعم.. هل فلست وبعتها ولا وقعت في حرب مع المافيا الهولندية واكشن وكوميديا؟ وهل السقا سابك وخلع ولا كمل معاك برقبته".
ورد هنيدي: "لا طلع بيتخيل من أثار الصدمة العاطفية اللي خدها من جواز حبيبته اللي ياما أكلها كشري هي وأخوها العجل على حسابه، وتحول لقاتل متسلسل بينتقم لقلوب الشباب المجروحه واتقبض عليه واتعمل عنه فيلم وسقط كمان".
هنيدي يتحدث عن شرب الخمر
وكشف أحد المتابعين عن لقائه به في أحد الأماكن العامة حيث كتبت: "قابلتك مرة في الماريوت ودخلت علينا وقلت السلام عليكم وخدك بالحضن وكمان أنت شربت عصير ومبتشربش خمرة وكنت لابس كاب أسود الكلام ده من 2002 فاكر؟ ليرد هنيدي: "ربنا يحفظنا وبعدين أنا يا خالد لو شميت خمرة بس من على بُعد 10 متر بدوخ".
هنيدي يكشف عن تقديمه في الخدمة العسكرية
ورد على متابع سأله عن حقيقة تقدمه للالتحاق بكلية الشرطة، حيث كتب له: "صحيح أنت روحت كلية الشرطة"، ليرد "أيوة رحت الاختبارات فعلا وكان في طابور طويل مش شايف أخره.. مش عشان طول الطابور، عشان سبب تاني محرج أقوله".
وواصل: "كان أول حاجة قياس الطول ولما دخلت لقيت الظابط بينزل المؤشر تحت وقالي صعب أوي، وطبعا من غير قياس مشيت وكان المفروض اني أمشي اول لما دخلت وماعرفتش اشوف آخر الطابور".
اقرأ أيضًا: حمو بيكا والليثي وعمر كمال.. نجوم الفن الشعبي يشاركون في انتخابات مجلس الشيوخ (صور)
وكتب له متابع آخر: "اشمعنا طول الوقت بيقولوا عمرو دياب بيصغر ومجابوش سيرتك أنت الوحيد اللي لبست مريلة وأقنعتني عادي أنك 10 سنين بدون أي مجهود؟" ليرد النجم الكوميدي: "عشان أنا عمري ما كبرت".
وسأله أحد المتابعين ساخرًا: "ونبي اسأل خالتي نوسة كورونا بتنتهي امتي؟"، ليرد "يابني خالة نوسة نفسها عندها كورونا".
أقرب شخصية مثلها هنيدي
وعن أقرب شخصية مثلها وكانت أقرب لقلبه، قال الفنان الكوميدي هنيدي: "عقلة الإصبع".
