قصة محاولة أحمد حلمي الهجرة غير الشرعية لإيطاليا (فيديو)
روى الفنان أحمد حلمي، قصة محاولته الهجرة غير الشرعية لإيطاليا في طفولته بصحبة مجموعة من أصدقائه.
وقال أحمد حلمي، خلال حواره مع الفنانة والإعلامية إسعاد يونس، في برنامج "صاحبة السعادة" عبر فضائية DMC، "في مرة هربنا أنا وصحابي، في ثانوية عامة كنا عاملين نسقط قولنا بس نهرب، قولنا إحنا نروح إيطاليا ونشتغل هناك، وعشان كنا فشلة في الجغرافيا كانت خطتنا إننا نروح شرم الشيخ ومنها على إيطاليا، وكمان نروح إسكندرية الأول ومنها على شرم الشيخ".
اقرأ أيضا| موقف لا يُنسى بين أحمد حلمي وحازم إمام بسبب منى زكي (فيديو)
وأضاف: "فعلا حضرنا شنطنا وقومنا بعد الفجر في رمضان ركبنا القطر القشاش وروحنا إسكندرية، ونزلنا على واحد صاحبنا دحيح مذاكرة وقولناله إننا هربنين وطالعين على شرم ومنها على إيطاليا، قالنا هقول لأمي على كل اللي قولتوه ده وهتضربكم بالشبشب فأحسنلكم افطروا وارجعوا بيوتكم وإلا هتصل بأهاليكم وأقولهم إنكم هربتوا، وفعلا إدينا فلوس نرجع بيها لبنها تاني زي الكلاب، وانتهت قصة الهروب تماما".
