محكمة الأسرة اليوم 2020| ايمان فى دعوى خلع : جوزي تحرش بمرات أخويا في المطبخ
رفعت ربة منزل دعوى خلع أمام محكمة الأسرة بأكتوبر، بسبب اعتياد زوجها على مغازلة زوجة شقيقها، واعتياده التحدث عنها بإستمرار.
وقالت الزوجة "إيمان" صاحبة 33 عامًا، إنها متزوجة منذ 5 سنوات وكانت الأمور تسير بشكل طبيعي، حتى طرأت تغيرات على تصرفات زوجها.
اقرأ أيضًا: محكمة الأسرة اليوم| نرمين في دعوى خلع: جوزى مفلس واستحالة أعيش معاه تاني
وأضافت الزوجة في دعواها أمام محكمة الأسرة بأكتوبر، أنها تزوجت بعد علاقة حب كبيرة نشأت بينهما، حيث أنهما كانا جيران بإحدى المناطق الشعبية في القاهرة.
وتابعت "إيمان" فى دعواها أمام محكمة الأسرة: "ابتدت المشاكل تظهر بينا بسبب ضغوطات الحياة، ولكن بعدها بشوية كثرت المشاكل بينا لما عرفت إنه عينه زايغة وبيحب يعاكس الستات، وخلافاتنا دايما كانت بسبب الموضوع ده".
وأكدت الزوجة في دعواها أمام محكمة الأسرة بأكتوبر: "كانت في مشكلة كبيرة قوي ما بينا من عامين، لما سمعته بيتكلم مع جارتنا في الموبايل، وعملت معاه خناقة وضربني وهددني لو قولت لحد هيقتلني، وفضلت ساكتة عشان الطفلتين اللي ربنا رزقني بيهم، وأعرف أعيش وأربيهم كويس".
وأوضحت الزوجة في دعواها أمام محكمة الأسرة: "فى أحد الأيام كنا معزومين عند أخويا، وجوزي كانت تصرفاته غريبة ومرتبك على طول، وكل شوية يطلب طلبات من مرات أخويا، وأنا بحاول أكذب نفسي، ولكني بدات ألاحظه بيبص عليها بصات غريبة ومش طبيعية، وإحنا ماشيين جوزي عزمهم على العشا بعدها بكم يوم".
وأضافت أيمان في دعواها أمام محكمة الأسرة: "في اليوم المحدد للعزومة، كنت خايفة من تصرفات جوزي وفضايحه، وحصل إللي كنت خايفة منه، بعد أن فوجئت بمرات أخويا جاية تقولي إنه اتحرش بيها في المطبخ، وأنا مقدرتش أتحمل ولميت هدومي وروحت بيت أهلي، وقررت إني أرفع دعوى خلع، عشان دا مينفعش يربي أولادي ومينفعش يكون أب ليهم".
