بعد العملية الجراحية.. بسمة وهبة تكشف تطورات حالتها الصحية (فيديو)
كشفت الإعلامية بسمة وهبة، عن تطورات حالتها الصحية بعد خضوعها لعملية جراحية في لندن، من خلال فيديو شاركته مع جمهورها، ظهرت خلاله وفي الخلفية صوت القرآن الكريم وممسكة بسبحة في يدها، موضحة أنها ترغب في العودة إلى مصر، بينما يلزمها الطبيب البقاء في لندن لمتابعة حالتها الصحية.
وقالت بسمة وهبة في الفيديو الذي نشرته عبر حسابها الخاص على موقع التواصل الاجتماعى "فيسبوك"، "الحمد الله أنا خرجت من المستشفى بس أنا مخنوقة مش قادرة أقعد فى لندن، وروحت للدكتور سألته ليه عاوزني أقعد، قال لي أي حد عامل عملية لازم يقعد بالمستشفى".
وأضافت بسمة وهبة: "اقترحت عليه لو تعبت ولو حصل حاجة هاجي لأني بكون في مصر كويسة، وجوزي وحشني وبنتي وحشتني وأهلي، نفسي أنزل عشان أروح لعبد العزيز وعبد الرحمن لو ربنا أراد مش قادرة أقعد في لندن بتخنق، أنا هنزل مصر، وبعدين أنا استخرت الله ربنا ييسر الخير".
واصلت: "الناس اللي عايشة بره مصر بمزاجها علشان بتدرس أو علشان أكل عيشها لكن في ناس عندها اختيار بين مصر وبره أنا بالنسبة لي مقدرش أعيش بره، هواء مصر حاجة تانية مع أني في مصر مش بخرج ولا بروح ولا باجي، وبفضل في اوضتي ومكتبي بس أحسن من إني أخرج كل يوم هنا، الجو هنا سيء أوي وكئيب، ولندن ما بقتش لندن، المحلات قافلة والمولات مهجورة والناس مرعوبة، إحنا عندنا مصر أحلى وأحسن".
واستطردت: "بنت جوزي نادين عاوزة تعمل خطوبتها وأنا بأجل، وجوزي في عز ماهو محتاج لزوجته اعدة عيانة وهو بيعتذر لي علشان مش معايا وأنا كمان بعتذر له المفروض اقعد جمبه ومعاه، اللي في الخير ربنا ييسره عاوزة اشوف شغلي وافتح مطعمي".
اقرأ أيضًا: أسما شريف منير تفاجئ الجميع برسالة خاصة لـ”مرات أبوها”
وتابعت بسمة وهبة: "أنا مش بحب استسلم للتعب واحنا في شهر أكتوبر شهر التعافي من السرطان ولازم نعمل توعية من مرض السرطان والكشف المبكر ونفسي اعمل مؤتمر واتكلم مع الناس كلها لإني جيالهم بناء عن تجربة مش رأي طبي وكل المرضى ييجوا ويسألوا زي ما هما عاوزين، أنا كويسة وهبقى كويسة لو هعمل حاجة زي ده".
وكانت الإعلامية بسمة وهبة كشفت لجمهورها، عن إصابتها بمرض نادر، وكانت تعاني من مشاكل في المعدة بالإضافة إلى نزيف على إثر ذلك المرض، موضحة أن حالتها ليست نادرة ولكنها في غاية الصعوبة، كما أنها عانيت من مرض سرطان الثدي.
