«خسرت حياتي عشان طمعانة في 1500 جنيه».. تفاصيل رد زوج على حكم طلاق من زوجته
"عشان طمعانة في 1500 جنيه إعانة، خسرت حياتي بسبب القضايا اللي بترفعها عليا بعناوين غلط"، بتلك الكلمات وقف محمد البالغ من العمر 50 يرد على حكم الطلاق للضرر والذي أقامته زوجته ضده، مدعيا تحايلها على القانون وتغيير عنوانه بالدعوى.
اقرأ أيضًا: ”أنا سبتلك أمانة خلي بالك منها وربيها كويس”.. سيدة تلقى طفلها أمام منزل مدرس بكرداسة
محمد يبلغ من العمر 50 عاما، تزوج من 25 سنة لتقرر زوجته فجأة بعد هذا العمر الخروج عن طاعته، رافضة منحه حقوقه الشرعية، كما استولت على شقته، وكل أفاعيلها لأجل 1500 جنيه إعانة من جمعية خيرية "استغلت سفري بره مصر، وطول سنين الجواز كنت خاتم في صباعها، عمري ما اتعرضت ليها وكنت موفر ليها مستوى مادي كويس، لحد دلوقتي مش لاقي سبب مقنع عشان تدمر بيه حياتنا غير الطمع، معاش والدها والإعانات اللي بتاخدها خلاها تقرر تخلص مني، ومش مكتفية بالفلوس اللي معاها، كمان بتطاللني بالنفقة وتمن القايمة والمؤخر".
"كانت هتتسبب في فصلي من شغلي، بسبب بلاغات وتهم كيدية بتتهمني بيها، وحتى لما طلبت الواسطة من إخواتها وقرايبها رفضت ترجع عن الطريق اللي ماشية فيه، وفوق كل ده حرضت بلطجية يتهجموا عليا "، ليؤكد محمد أنه يعيش في عذاب من شهور طويلة، بعد أن سرقت كل ممتلكاته، وبالنهاية رفعت دعوى طلاق وغيرت عنوانه ليتم الحكم عليه، فقرر الإستئناف على الحكم لإسترجاع حقه.
