عمر كمال يرد على السخرية من صورته: المهم بقيت إيه
رد المطرب عمر كمال، على السخرية من صوره قبل الشهرة، والذي كان بوزن زائد فيها، برسالة قوية.
وكتب عمر كمال عمر حسابه الشخصي بموقع التواصل الاجتماعي "فيسبوك": "كل ما أحط بوست وممكن الناس تشوف بعنيها عشان محدش يقول ده بيحور وبيعمل بوست وتريند ألاقى ناس كتيرة حطالى صورتى اللى ع اليمين ف الكومنتات من باب السخرية".
وتابع: "حتى الصورة اللى منزلها لوالدتى وبعبر عن حبى ليها عشان عيد ميلادها منزلين الصورة من باب السخرية.. فعايز أرد عليهم وأقولهم والله الحمد لله على شكلى في جميع مراحل حياتى ودي حاجة أنا مش بتكسف منها وأدينى نزلت الصورة أهو للناس في بوست عشان تشوفها ومش مكسوف.. والصورة اللى على اليمين دي لإنسان كان معندهوش رفاهية أنه يروح للدكتور يتابع معاه رچيم أو يروح للچيم أو حتى عنده وقت يفكر في شكله.. إنسان كان كل همه يشوف السرير بعد يومه الطويل عشان يصحى ليوم تانى أصعب".
وأضاف: "مش مهم كنت ايه المهم بقيت ايه، اشتغلت على نفسى وبكرم وفضل ربنا اشتغلت الحاجة اللى بحبها.. وركبت العربية اللى بحلم بيها.. وكونت نفسى.. وعملت وضع واسم لنفسى .. وربنا جعلنى سبب في إنى شايل مسئولية ناس وفاتح بيوت ناس كتير من غير جنيه من بابى ومامى ولا مساعدة حد غير ربنا ثم دراعى".
اقرأ أيضا: أحمد الفيشاوي: الممثل الموقوف بيغني ”أي كلام”.. وقررت طرح ”نمبر 2” لأن الراب مجالي
واختتم كمال رسالته: "أشك لو انت إنسان عندك حاجة مفيدة في حياتك تعملها أو عندك هدف في حياتك أن يبقى عندك وقت تدور على صور حد وتسخر منه.. صدقنى الحياة مفيهاش وقت تضيعه في الكلام ده شوف حاجة أفيد وأعملها".
