”تحذير بفقد الصوت”.. بسمة وهبة تتعرض للتنمر وهكذا ردت

تعرضت الإعلامية بسمة وهبة، للتنمر بعد نشرها لصور لها مع ابنتها خلال قيامها بجولة تسوق.

ونشرت بسمة وهبة، مقطع فيديو لها وهي في عيادة طبية، موضحة أن هذا الفيديو وراء كواليس جولتها التسويقية، مشيرة إلى أن الصورة التي يراها الجمهور وتظهر فيها سعيدة ورائها أيضا أشياء أخرى.

اقرأ أيضا| كورونا يواصل حصد الأرواح.. الموت يفجع الفنان رامي جمال

وكتبت: "عشان المتنمرين اللي مستكترين أني خارجة أنا وبنتي بنتفسح هذا ما وراء الكواليس التي لا يراها صم وبكم القلوب والعيون.. قبل الفسحة بنج ومنظار ومشكلة على الأحبال الصوتية وإنذار بفقد الصوت بسبب السترس وإجهاد العمل".

أضافت: "ده نفس اليوم اللي اسكترتوا رفاهيته عليّا أنا وبنتي اللي كانت ف دبي ليها 3 أسابيع عندها كورونا وأنا ممنوع أقرب ولا أشوفها وكانت في عزل تام! إيه رأي المتنمرين لو بعد إذنهم ومايضايقهمش إني أخرج بنتي وأرفع معنويتها ومعنوياتي".

وتابعت: "أنا قلت لكم قبل كده حياتنا مش الصورة اللي بتشوفوها.. دايما الصورة وراها صورة لم ولن تروها.. شوفوا بس المنظار اللي مسكاه الممرضة ور الكرسي كل ده كان في فمي برضو صورة ورا صورة ورا صورة ودي حياتنا اللي إنتوا قاعدين بس تتنمروا وتنظروا علينا.. لا للإهانة".

وكانت الإعلامية بسمة وهبة والفنانة وفاء عامر دشنّا حملة "لا للإهانة" ردا على ما يتعرض له مؤخرا عدد من الفنانين وأولادهم من التنمر والسخرية وآخرهم الفنانة يسرا اللوزي.

وقالت وفاء عامر خلال فيديو نشرته بسمة وهبة عبر حسابها الرسمي على موقع "إنستجرام": "كل اللي بقى في إيده موبايل يتعدى على أي حد ويتهم الناس بالباطل، وبطالب حكومة بلدي تحميني من اللي بيستخبي ورا حتة حديدة، أنا لو حد اتعدى عليّا وجه لوجه هعرف أخد حقي".

كما قالت بسمة وهبة: "كفاية إهانة.. مش عشان إحنا شخصيات عامة نقبل الإهانة.. اللي بيعمل كده بيبقي مستخبي وبيعمل أكونت فيك، علشان عارف إنه جبان وهو عارف إن ده مش مسموح، وخايف يتحبس".

وطالبا كل الشخصيات العامة بالانضمام للحملة ليكون تأثيرها كبير في محاولة لمنع مثل هذه التصرفات.