عادل الفار: ”الوسط الفني غدار كله كان عاوزني ولما كبرت الدنيا اتغيرت”
نُقل الفنان الكوميدي عادل الفار العناية المركزة إثر تعرضه لوعكة صحية، بعد يوم من حلوله ضيفًا على برنامج "القاهرة اليوم"، للفنان إدوارد والإعلامية بثينة توكل، وحزنه من تجاهل الوسط الفني له.
ويسترجع "الطريق" ما قاله عادل الفار خلال لقائه ببرنامج "القاهرة اليوم":
مافيش حد بيسأل عليا ولا حتى زملائي
شكى عادل الفار من غياب الفنانين عن حياته، موضحًا أنه من بين أصدقائه والجيل الذي ظهر معه الفنان خالد عجاج ومصطفى قمر وهشام عباس، لكن ليس منهم من يسأل عليه ولا يوجد أي فنان يتواصل معه من أجل الإطمئنان على حالته الصحية.
لما بتصل بخالد عجاج مش بيرد عليا
وأضاف "الفار": "دلوقتي مافيش حد بيسأل عليّا، لما بتصل بخالد عجاج مابيرودش وبزعل جدًا، وأتصل تاني يرد ويقولي واحشني أوي طيب أنا واحشك ما تبقى ترد عليّا"، مضيفًا: "أنا مابحبش أتصل بحد عشان لو ماردش أنا بزعل جدًا".
الوسط الفني غدار
وتابع الفنان الكوميدي خلال لقائه:" للأسف حاسس إن الوسط غدار، قبل كده كله بيسأل عليّا وعايزني، ولما كبرت الدنيا مابقتش حلوة".
اسألوا عليا
ووجه "الفار" رسالة للفنانين قائلًا: "بقول لهم لازم يبقى فيه ود وحب وتواصل ونسأل على بعض مش بس للفنانين كلنا، واللي عنده مشكلة نسأل عليه، اسالوا عليا الفنانين لازم يكونوا متواصلين مع بعض"، وهو ما جعل الفنان إدوارد يتأثر بكلمات ضيفه، ودمعت عيناه طوال الفقرة.
اقرأ أيضًا: أشرف زكي: عادل الفار بالعناية المركزة وحالته مستقرة
ولفت الفار إلى أنه يرغب في استكمال المشوار الفني، قائلًا: "أنا بحبكوا ومش هسيبكوا أنا عامل شغل جديد بس علشان مش معايا الفرقة بس هعمل شغل جديد قريب إن شاء الله".
