سماح أنور: لا أحضر أي مهرجانات منذ 2002.. ”مش عاوزة تلزيق”
انتقدت الفنانة سماح أنور الانتشار الكبير والواسع لما أسمتها "مهرجانات تحت السلم"، والتي يتم فيها تكريم الفنانين.
وقالت خلال لقائها ببرنامج "لحظات جريئة" الذي يُقدّمه الإعلامي أحمد سالم على شاشة "القاهرة والناس"، مساء الاثنين: "المهرجانات تحت السلم هي اللي مش تبع حاجة.. واحد بيصحى الصبح يقول هاعمل مهرجان".
اقرأ أيضًا: ياسمين الخطيب: ”ثراء” محمد رمضان يمنعه من تجسيد شخصية أحمد ذكي
وأضافت: "فيه ناس بتتكرم في الحاجات دي مش عارفة ليه، أنا بطلت أروح مهرجانات من 2002 لإني معنديش فني.. اللي هيشوفني هيقول يا حرام دي جاية تتصور أو هيقول إيه اللي جابها دي".
اقرأ أيضًا: منير مكرم يكشف: تسببت في خصم 10 أيام لأحد القيادات بالدولة
وتابعت: "لو معنديش عمل في المهرجانات يبقى أروح ليه.. مش بحب أروح أتزلق.. وهالة صدقي كانت دائمًا تقولي إنتي بتفكري غلط لإن التواجد جزء من الشغل، ولازم المخرج أو المنتج يشوف شكلك علشان يشتغل معاكي".
