الطريق
الخميس 28 مارس 2024 09:13 مـ 18 رمضان 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

بعد وفاة سمير غانم.. حلا شيحة: هل أنا مستعدة أقابل ربنا؟

حلا شيحة
حلا شيحة

وجهت الفنانة حلا شيحة، رسالة عقب وفاة النجم الراحل سمير غانم، تحدثت فيها عن رؤيتها للموت والحياة واستعدادها للحظة ملاقاة الله عز وجل، وذلك عبر حسابها الشخصي بموقع تبادل الصور والفيديوهات الشهير إنستجرام.

وكتبت حلا شيحة: "مشهد محتاج لحظات للتأمل ووقفة طويلة مع النفس كل ما تحصل حالة وفاة من قريب أو بعيد بلاقي نفسي جوا المشهد و بتخيل اللحظة دي لأنها مفيش مفر منها حتيجي فجأة أو بعد مرض المهم أنها جاية و كلنا حنمر بيها، و بفكر ياتري هل أنا مستعدة للحظة دي ؟! مستعدة لاستقبال عالم تاني !؟ مستعدة أقابل رب العالمين ؟! مشهد مرعب اكن الامتحان خلص خلاص ومستنية النتيجة".

وتابعت: "كل يوم بيموت من حبايبنا وأقرب الناس لينا كلنا بنحضر الدفن والعزا طب و بعد كدة ايه ! منا اللي بيكمل عادي زي ما كان و منا اللي مش عايز يركز في اللحظة دي و منا اللي بيفكر شوية و خلاص بعدها بينسي و منا اللي مش حيعدي عليه المشهد ده كدة و خلاص، ‎انا بسأل نفسي ياتري احنا بنفني عمرنا في ايه و في مثل مشهور بيقول (العمر مش بعزءة) مركزين بس في نجاحاتنا و امالنا و مراكزنا، في مشاكلنا و مطحونين في دوامة عمرها ما حتخلص،ياتري ربنا في حياتنا فعلا ؟!و لا نسينا في الزحمة نفكر اننا ماشين".

اقرأ أيضا: الراقصة جوهرة تثير ضجة بصور مع عمرو دياب.. والجمهور يتسأل حول حقيقة ارتباطهم

واستكملت: "ليه بعد كل موقف وفاة مؤلم زي ده بننسى و بنرجع تاني لنفس الحال بتاع بكرة حبقي احسن بكرة حصلي ‎بكرة حرضي ربنا بجد و ناس ناسية ربنا اصلا ده حتي بقي الخلاف علي الدين نفسه ده حتي الشك اللي اتبنى جوانا من كتر البعد عن ربنا بقي يخلينا نشك في وجود ربنا اصلاً المعايير اتغيرت جوانا و الاولويات اتلخبطت، مفيش أية في القران عن الدنيا إلا والكلام إن الدنيا لهو ولعب ومتاع الغرور".

وأضافت: "أتحدي أي حد يلاقي غير كدة وبقول لنفسي يا ترى أنا فين من المعاني دي وبسأل نفسي لو مسألناش نفسنا دلوقتي حنسأل امتي ؟! ‎ الدنيا اللي حنعيشها ايام و حنفارقها و بردو متمسكين بيها وفجأة هنلاقي نفسنا في المشهد ده!!، لحظة الصدق هي دي (لمثل هذا فليعمل العٰملون ) ‎مشغولين برأي الناس فينا و شكلنا و مكانا و شهرتنا حتزيد ازاي و محدش حينفعنا في اللحظة دي ‎بفكر كل لحظة علشان بحب ربنا و متأكدة اننا كلنا بنحبه و بنحب كلامه و كلنا لينا لحظات خاصة معاه سبحانه و كلنا عايزين نكون قريبين منه".

وأكملت: "واحنا بنبعد بدل ما نقرب حتي شهر رمضان بقي شهر لكل حاجة إلا ربنا و القرآن مع ان مفيش اهم من ايات القرآن اللي احنا ناسينه بقالنا كتير وحتي لما نقراه بيعدي من غير تركيز حقيقي في معانيه وكورونا اللي حاسه انها دخلت حياتنا عشان تفكرنا وبردو مكملين عادي، ‎مش عارفة أعدي المشهد ده كدة و امبارح فضلت صاحية و صليت الفجر و مش عارفة انام بفكر في استاذ سمير غانم الجميل اللي كنت بتفرج عليه من صغري وقبله استاذ محمد الصغير و فكرت لو ده كان معادي حكون مستعدة؟! كلام صعب بس ده اللي جوايا".