عبير صبري تتعرض للنقد بعد نشر تفاصيل عن وفاة شقيق رامي صبري
تعرضت الفنانة عبير صبري للنقد بعد مناشدتها لوسائل الإعلام ومؤسسات الدولة المصرية بوضع قوانين لتنظيم النشر ووضع حدود للأخبار الشحصية التي تخص المشاهير، حيث عبرت عن استيائها من الكشف تفاصيل وفاة كريم صبري شقيق الفنان رامي صبري.
وعبر بعض المتابعين عن استيائهم من الطريقة التي طرحت بها عبير صبري الفكرة حيث أوضحوا أنها أيضًا كشفت عن تفاصيل وفاته مثلما فعلت بعض وسائل الإعلام، حيث أشارت إلى أن الإدمان مرض مثل السكر وغيره من الأمراض.
وكتبت لها إحدى المتابعات: "هههههه حضرتك بتقولي زي الصحافة أنه مدمن كان مكن تقولي مريض وخلاص"، وكتب متابع آخر: "واللي حضرتك بتعمليه دا ايه أنا معرفتش غير منك"، و"ما إنتي فضحتي اكتر اهو و قولتي مدمن برده ؟!"، و"ربنا يرحمه ويغفرله .. للعلم أنا ماكنتش أعلم أنه كان مدمن وعرفت منك".
ونشرت عبير صبري صورة رامي صبري وشقيقه عبر حسابها بموقع "فيس بوك" وعلقت: "ربنا يرحم الشاب كريم صبري ويعفو عنه ويغفر له ويدخله فسيح جناته شقيق الفنان رامي صبري الحقيقه أنا بناشد كل المؤثرين علي السوشيال ميديا أنهم يطالبوا المجلس الأعلى للصحافة ومؤسسات الدولة المصرية مجلس النواب إنها توضع قوانين لتنظيم النشر ووضع حدود للأخبار الشخصية اللي بتخص المشاهير في أي مجال فني أو غيره".
وتابعت: "مش معقول ولا مقبول إن شاب يتوفى في حادث غرق وننشر شيء خاص بمرضه وما نحترمش سيرته ومشاعر عيلته أمه وأبوه واخواته ونتاجر بأخبار الشاب المسكين والإدمان بالمناسبة مرض أكرر مرض زي السكر والضغط والأمراض المزمنة يعني مش قله أدب ولا قلة تربية زي ما اغلب الناس فاهمه وعاوز علاج وله مستشفيات خاصه بفلوس كتير اوي".
وأردفت: "مش معقول المواقع كلها تتسابق في نشر تفاصيل خاصة بمرضه وتجرح أهله وكأن مش كفاية مصيبتهم وحسرتهم علي ابنهم الشاب اللي ضاع منهم فجأه وطبعا أذيه الفنان رامي صبري والاساءه لسمعته لأنه مشهور والناس تموت في الفضايح والاشاعات والتحليلات سواء صح أو غلط أنا مش عارفه هتستفيدوا إيه مفيش رحمة بالأهل مفيش أخلاق الستر مفيش أخلاق أنك متتدخلش في شيء لايعنيك ولا يعني جمهور السوشيال ميديا مفيش قاعده دينيه بتنادي بعدم تتبع عورات الناس ؟".
واستطردت: "ليه القسوة والرغبة في دبح الناس معنويا خصوصا لو كان مشهور مش كفايه اللي هما فيه انتوا يعني مش عارفين إن كل البيوت فيها مشاكل وأمراض وبلاوي مقفول عليها بابها ..ايه السبب انكوا تنشروا بهدف إحراج الناس وهتك أسرار البيوت ؟عشان فيها شخص مشهور زي الفنان رامي صبري فنبهدله ونطلع أسرار اخ له توفى وهو يعاني مرض من الله زيه زي ملايين الشباب".
اقرأ أيضًا: ”اتهنت ومكنتش لاقي آكل”.. أبرز تصريحات تامر حسني في ”الحكاية” (فيديو)
وتابعت:"عشان الترند والمشاهدة أقول لكم إيه بس، أنا قلبي وجعني علي الشاب المسكين ده ومعرفوش لكن بتمني له الرحمة والمغفرة بعد موته الصعبه ولأهله الصبر امه وابوه واخوه ربنا يصبرهم".
