”ارجع اشتغل تاني”.. تامر حسين يوجه رسالة لـ رامي صبري بعد وفاة شقيقه

وجه الشاعر الغنائي تامر حسين رسالة مؤثرة للفنان رامي صبري الذي ودع شقيقه كريم منذ أيام قليلة.

وكتب تامر حسين عبر حسابه الشخصي بموقع التواصل الاجتماعي "فيسبوك": "صديقى وأخى الغالى رامي صبري أنا عارف زعلك وحُزنك على كريم الله يرحمه ويعوضكم بكُل الخير وعايزك تهرب من زعلك ده بالشغل والنجاح ماتستسلمش كريم كان شايفك مثل أعلى ومتشرف بنجاحك دايماً عايزك أنجح واحد خُد وقتك".

وتابع حسين: " بس إرجع كمل يارامى بعد العيد انا عارف كمية المُناسبات اللى إنت لغيتها ومقدر بس لازم نقف على رجلينا
ماحدش بيغير قدره ياصديقى وبعدين احنا كلنا إخواتك وضهرك وسندك".

اقرأ أيضا: حلا شيحا تهاجم والدها: ”أنا مش مخطوفة وجوزي مش بتاع ستات”

وأضاف الشاعر الغنائي: "ومش هزعل معاك تانى والا نقفش إعتبرنى زى كريم أخوك الصغير وربنا يهون عليك أى صعب وب أستسمحك انى هبقى أرجع أشير الأغانى بتاعتنا اللى تعبت فيها وعملت مجهود عشان تنزل تعمل حفلات ف الصيف والناس تسمعها وده طلب كل أصحابك المقربين وأعزمنى فى العيد عندك ؟ الغدا اللى بحبه".

واختتم حسين قائلا: "الله يرحمك ياكريم ويغفرلك ويعوض أهلك كل الخير ويخفف عنهم أمين وعايز كل الناس المحترمة اللى عندى تشجع رامى يخرج من اللى هو فيه بكلامكم الطيب وكل حبايب رامى يبقوا جنبوا أنا كتبت الرسالة هنا فى العلن عشان لو بعتهاله لوحده مش هتأثر زى ماناس كتير ولاد حلال يفضلوا وراه".