”التعامل مش بالمزاج”.. الفتيات تثير موجة غضب ضد رسالة فتاة السوشيال ميديا
حالة من الجدل اشتعلت بين النساء والفتيات على أحد الجروبات الخاصة بالفتيات، على موقع التواصل الاجتماعي "فيس بوك"، كشفت فيها عن مشكلتها.
وروت صاحبة المشكلة قصتها، قائلةً: "أنا مرتبطة بواحد من سنة ونصف وهو كويس ومحترم جدا وابن ناس ولكن عيبه الوحيد، أنه مش بيشوف نفسه غلطان ولو حصلت بينا مشكلة بسيطة يبعد بالأيام وبعدين يرجع، وأخر مرة حصلت معه مشكلة في البيت كان متعصب فشتمني ولما قولتله ليه كدة، قالي أنا مش باقي على حد فقولتله طيب سلام راح قالي في داهية، وبعدها كلمته قولت يكون هدي شوية قالي اللي متستحملنيش وقت عصبيتي مش عاوزها ومتكلمنيش تاني، وفضل أسبوع مش بيكلمني وبعدها كلمني عايزني أرجع، أعمل إيه".
وأنهالت موجة من الغضب بين الفتيات على رسالة الفتاة، حيث قالت سلطانة، إحدى رواد فيس بوك: "نصيحة مترجعيش التعامل مش بالمزاج ولو عاوزك فعلا يجيلك يخطبك وكفاية كدا".
اقرأ أيضًا: اجراءات استثنائية لحماية المستخدمين.. فيس بوك وإنستجرام على خط الحرب مع طالبان
وكتبت أم فريدة: "ده هيربيكي ويوريكي النجوم في عز الضهر لو كملتي معاه وبكرة تفتكري تعليقي ده كويس لو
كملتي".
وعلقت رغد وليد: "إوعي إوعي ترجعيله وهو بدال باع أوعي تشتريه مع ألف ألف سلامة".
وكتبت جهاد: "إنتي لو لاقيه كرامتك في كيس زبالة مش هتعملي كده أسفة على إللي هقوله بس إنتي عصبتيني أكتر منه ما هو أدام مالقكيش أخدتي موقف من البداية أكيد هيتمادى هو لو كان بيحبك كان أتحكم في عصبيته أي حد بيتغير عشان إللي بيحبه إزاي إنت إللي ترجعي تكلميه وهو إللي غلط فيكي".
وعلقت أية محمد: "إنت أصلا مش مجبورة تستحمليه وقت عصبيته إنت بقى ردي عليه الموقف وشوفي هيعمل معاكي وتاني حاجة بقى إنت كدا فرطتي في كرامتك ومدام فرطتي فيها مرة يبقي إنسي بقى أنه هو يعاملك كويس حطي حد للموضوع".
