الجمعة 24 سبتمبر 2021 10:47 مـ 17 صفر 1443هـ
جريدة الطريق
  • WE

رئيس التحرير محمد عبد الجليل

تحقيقات

”10 سنين مش كتير”.. الفتيات تتفاعلن مع مشكلة من مجهولة على السوشيال ميديا

مشكلة زواج فتاة من شاب أكبر منها
مشكلة زواج فتاة من شاب أكبر منها

في حياة الفتيات، تتعدد المشكلات التي يتبادلن فيها الآراء على الجروبات الخاصة بهن، وحازت مشكلة اليوم على اهتمام كبير من عضوات أحد جروبات الفتيات.

 

وتروي الفتاة مشكلتها: "متقدملي عريس 31 سنة وأنا 21 سنة فرق 10 سنين.. وهو محترم جدا وبار بوالديه، ووالده متوفي ومامته عندها زهايمر أخواته 6 أولاد كل واحد في بيته وهو بنى بيته وجهز نفسه ومتدين وعارف ربنا والكل بيحلف بكدا".

 

واستكملت: "أنا بابا متوفي وأعمامي هما المسئولين عن الجواز، أهلي شايفينه كويس ومحترم وبيقولو لو وحش مش كنا هنوافق بيه ماما قالت لخالي يسأل عليه قال الأخبار أنه بتاع كلام وخاطب 3 مرات وأنا عارفة أنه كان خاطب 3 مرات بس دا نصيب، دلوقتي أختي الكبيرة مخصماني وزعيق معايا وماما ماشية وراها عشان فرق السن 10 سنين وأنا موافقة لأن هو عارف ربنا والعارف ربنا أطمن على روحي معه..دلوقتي بيقولولي إنت لسه صغيرة أرفضيه بكره يبقى عندك 40 سنة وهو 50 سنة وإنتِ في عز شبابك وهو كبر وهتحسي بوحده".

وانهالت تعليقات الفتيات على السوشيال ميديا، حيث علقت راجية الفردوس، إحدى عضوات الجروب على الفيس بوك: "أنا جوزي أكبر مني بـ7 سنين ومفيش أي مشاكل بالعكس متفاهمين جدا.. خدي قرارك من نفسك ملكيش دعوة بحد لو كنتي عاوزاه.. وصلي صلاة استخارة ودعي ربنا كتير".

 

وكتبت خلود خفاجي: "فرق السن مش عائق لكن هيكون عائق لما يكون تفكيره مش زي تفكيرك ومايبقاش بينكم أي تفاهم ودي طبعاً بتعرفيها في فترة الخطوبة..والباين انك عاوزه تتخطبي وتعيش حياتك ودا حقك طبعاً..بس اختاري صح جداً والناس ما تعرفش غير بالمظاهر لكن إنتِ اللي هتعاشري وتعرفي".

 

وعلقت توكا علي: "طالما قريب من ربنا صلي استخارة وأقعدي معاه وشوفي طريقة تفكيره دي مهمة جدا وربنا يقدملك اللي فيه الخير".

اقرأ أيضًا: ”مش زنا ولكن”.. الفتيات تشعلن السوشيال ميديا بسبب رسالة من مجهولة

وكتبت بسمة: "استخيري ربنا هيدلك على الصح لو خير لكي هتلاقيه الموضوع مشي بتتفقو وبتبدا تجهزو السن مش كبير لان الست بتكبر بدرى يعني لما يبقا عندك 45 سنة ممكن توصلي لسن اليأس وهو مازل بصحته لأن الرجل مالوش سن استخيري.. استخيري".

وعلقت عائشة محمد: "10 سنين مش كتير، لأنه دايما الزوجة بتكبر قبل زوجها طبعا من البيت والمسئوليه والعيال والشغل وهلما جرا.. بالعكس طالما على دين وخلق وافقي انا بيني وبين زوج 10 سنوات ومش حاسه بالفرق ده".

 

 

الزواج من الرجل الاكبر عمرا زواج فتاة من شاب أكبر في العمر تحقيقات الطريق السوشيال ميديا والزواج من الرجل الاكبر في العمر
بنوووك