في أول ظهور إعلامي بعد الزواج.. تعرف على كواليس قصة حب أحمد سعد وزوجته

استضافت الإعلامية بسمة وهبة، الفنان أحمد سعد وزوجته علياء البسيوني في أول ظهور إعلامي لهما بعد الزواج، ببرنامج "90 دقيقة" المذاع عبر شاشة قناة المحور الفضائية.

وقالت علياء بسيوني عن قصة تعارفها على أحمد سعد: "إتعرفنا على بعض في الجيم، أحمد بيتمرن علطول، وأنا بتمرن شوية وأوقف شوية.. المدرب بتاعي أنا وهو نفس الشخص وابتدينا نتكلم، بعدين ابتدينا نشوف بعض بره الجيم شوية.. أحمد بالنسبالي وبالنسبة لأي حد شخص إنترستنج جدا".

وتابعت قائلة: "إحنا حصل بينا كيمستري معينة.. أبقى مثلا مسافرة في السخنة يقوللي طب أنا هناك ويعدي عليا.. طب أنا طالعة إيطاليا كمان 3 أيام إيه ده طب أنا معايا فيزا حجيلك"، ومن جانبه اعترف الفنان أحمد سعد بأن أهل زوجته علياء بسيوني، اعترضوا على فكرة زواجهما في البداية.

اقرأ أيضًا: عاجل | انطلاق فيلم ما وراء المحيط تجاريًا في مصر والإمارات.. تعرف على مواعيد عرضه

وقال أحمد سعد في حواره التلفزيوني: "مفيش حد معترضش.. أنا متصالح مع الموضوع.. لأني بشوف الحاجات اللي بتتكتب عني وعدد الناس اللي بتهاجمني من غير ما تعرفني، وكل ده مش بيضايقني لكن اللي يضايقني إن حد يعرفني يبقى عنده نفس وجهة النظر دي".