«جتلنا لقطة وإحنا زهقانين».. المصريون يشعلون السوشيال ميديا على «نشأت» مدعي النبوة
حالة من السخرية اشتعلت على مواقع التواصل الاجتماعي من المصريين على مدعي النبوة اللبناني "نشأت مجد النور"، بعد ظهوره مع عالمة الفلك اللبنانية كارمن شماس، وتأكيدها على نبوءته.
لم يتحمل مدعي النبوة نشأت مجد النور سخرية المصريين منه، حتى قرر طردهم من دعوته، وهو ما زاد حماس المصريين في السخرية المضاعفة من أكاذيبه، ولاحقوه في الرد عليه بحسابه على موقع التواصل الاجتماعي "فيس بوك".
وعلقت آمال حبيب، إحدى رواد فيس بوك مصرية على إدعاءت مدعي النبوة: "ابعتلي هزة أرضية الله يكرمك بص هستناها الساعة ٥ متتأخرش وكابوسين هدية بإيدك الحلوة دي بس اتوصى".
ولم يقتصر تعليق المصريين على المدعي نشأت بالسخرية فقط، ولكنه وصل لكتابة قصائص من السخرية، وكتب مجدي الصعيدي، أحد رواد فيس بوك مصري: "مرة واحد اسمه قورة نام صحي بقى شخص تاني جات في مخه فجاب مأسورة وقالك أعمل واد نوراني واحدة واحدة لازم له واحدة تبقى أول من يأمن.. جاتله كارمن واحدة جاحدة شغلها نايم وكامن قول يا قورة أنا واقفة جنبك أيوه دا رسول للعباد كلنا لازم نحبك دا أنت فيجيتريان يا واد.. ألف خيبة على رسولك دا رسول إبليس يا جاهلة جاي دوره وجاي دورك وابقى قولي أنا كنت هبلة".
وعلق أخر: "في واحد دماغه لاسعة في لبنان بيقول إنه "نبي جديد" واسمه نشأت مجد النور.. بغض النظر أنا عمري ما شوفت نبي بيعمل سكسوكة أو اسمه نشأت أصلًا.. المهم ظهر نشأت وماسك في إيده بلتكانة ستارة، وعمل بث مباشر على الفيس بوك أول واحد مصري كلمه قاله يا عمو النبي أنا قاعد علي السرير ومكسل أقوم أطفي النور علشان الجو برد، إدعيلي اللمبة تتحرق، واستلموه المصريين وهاتك يا تريقة.. قام نشأت اتعصب وكبرت في دماغه، وراح منزل فيديو مخصوص يهدد فيه المصريين بالانتقام.. لا ومش بس كده دا كمان قال إن المصريين مغضوب عليهم وممنوع عليهم الدخول في دينه".
واستكمل: "بعد يومين نشأت حس إن ناقصه حاجة مهمة..آآآآآه معجزات هو في نبي من غير معجزات !!..فنشأت إمبارح كان طالع لايف عشان يعمل شوية معجزات لايف فالنت قطع عليه..آه والله العظيم زي ما بقولكم كدةالنت قطع على النبي نشأت وهو بيعمل معجزات !!..حقيقي والله إحنا وصلنا لمرحلة من الهبل والعبط واللسعان ملهاش حل و مش عارف أقول عليها إيه فعلًا !!..المهم الدروس المستفادة من التجربة دي هي أن نشأت أول واحد يعمل نبي ويطلع بسكسوكة وبلتكانة ستارة وباقة النت خلصت وهو بيعمل معجزات".
اقرأ أيضًا: أبرز ردود الأفعال على نشأت مجدي مدعي النبوة.. أصله طبال
وكتبت شيماء محمد، إحدى رواد فيس بوك مصرية: "شوف إحنا كنا زهقانين وإنت جتلنا لقطة عشان نسف عليك دنا هنعمل من علامه دماغك كفته.. ده أنت هتحرم تجيب سيرة مصريين تاني".
وعلق محمد طلعت: "يا رسول التهجيص مش مفروض تصبر علي المصريين بدلا ما تعمل لهم بلوك..ولا علشان قلشوا عليك مش قادر.. المهم ماتنسي تدهن العصايا".
