«متربيين وعدوا الـ30».. شقيق ياسمين عبد العزيز يهاجم أصدقاءه المفطرين

نشر الفنان وائل عبد العزيز، شقيق النجمة ياسمين عبد العزيز، تدوينة له عبر منصات السوشيال ميديا، بشأن الأشخاص الذين لا يصومون في شهر رمضان.

وكتب شقيق ياسمين عبد العزيز، عبر حسابه الشخصي بموقع التواصل الاجتماعي فيسبوك: "أنا زعلان فعلا علي الناس اللي مبتصومش، زعلان إن ركن من أركان الإسلام في ناس نسيته على الرغم من أنهم متربين وعدوا الـ30، ومن بيت يعلم أصول الدين كويس وفيه منهم صحاب للأسف".

وتابع: "لما تسأل شخص منهم ليه مبتصومش بيقولي كده أنا مبصومش، وزي ما يكون عنده حاله من الرفض للصيام والتباهي بده عادي، أنا فاكر زمان وإحنا عيال كنا نتعلم نصوم لحد 12 الضهر ولما كنا نكبر شويه كان لـ3 العصر لحد ما نوصل للمغرب، وكان والدي والدتي تكافئنا بحاجه حلوه أو حاجه بنحبها علي الأكل عشان تشجعنا علي الصيام، وكان يقولي ويشرحلي ما معنى كلمة "صوموا تصحوا" وأد إيه فوايد الصيام والخير اللي بيجي بيه شهر رمضان علينا والناس".

أقرأ أيضًا..

مسلسل توبة الحلقة 10.. ماذا يحدث بعد أول لقاء بين صبا مبارك وعمرو سعد؟

واستكمل: "زعلان كمان علي الشباب الي بيلحد علي الرغم من تدين أسرته وهم ناس طيبة معتدلة.. الظاهر اننا خلاص في آخر أيام الدنيا والله أعلم.. اللهم ثبتنا على دينك وأهدي الناس".