احترم أوجاع المصريين.. هجوم على نجيب ساويرس بسبب حريق كنيسة أبو سيفين
حالة من الجدل أثيرت على مواقع التواصل الاجتماعي، بسبب ما كتبه رجل الأعمال نجيب ساويرس، في منشور له بشأن حريق كنيسة أبو سيفين في منطقة إمبابة التابعة لمحافظة الجيزة.
وكتب "ساويرس": "لم أريد أن أكتب تعزية قبل ان أعرف تفاصيل الحادث لأننا في صعيد مصر لا نقبل العزاء قبل ان نعرف التفاصيل و ان نعرف الفاعل ! الله هو المنتقم ! و هو الذى سيأتي بحق الضحايا.. عزائي لمصر كلها بكل المسلمين و المسيحيين لأن كل من يعبد الله حزين".
في دقائق معدودة انهالت تعليقات المصريين بالهجوم على نجيب ساويرس، حيث وصفه المسلمين والأقباط بأنه يثير الفتن بين المصريين، وكتب فادي محمد: "مش لازم نعيش جو المؤامرات باعترافات ناس فالكنيسة بيقوله أن في تكيف كان بايظ وبعدها طلع دخان وبعدها حريق مفروض تناقش إازي مفيش مخرج طوارئ دا اللي اتضح بعدها وإزي مفيش رشاشات مياه بتاعت الحرائق اللي بتبقي في السقف ومفروض تسال تأخر الدفاع المدني ليه لكن اللي بتقوله بيعمل فتنه".
وعلق كريم كيمو، أحد رواد "تويتر": "انت كداب والحادث عندي في المنطقة وحضرت تفاصيله ومسلمين كتير جالهم اختناق من الدخان لما دخلنا عشان ننقذ الأطفال بطل تعمل فتنه.. اخواتنا المسيحين هايفضلوا اخواتنا غصب عنك احنا في المنطقة الشعبية مابنعرفش المسلم من المسيحي ياريتك تشكر أهالي إمبابة الجيزة الجدعان افضل من الهبد بتاعك".
وكتب محمد إبراهيم، أحد رواد "تويتر": "للأسف كلامك غير مناسب في وقت غير مناسب لا يصدر الا من شخص متطرف، لو في أي شبهة جنائية ممكن تقول كده لكن قبل كده يبقي حضرتك تسكت خالص".
اقرأ أيضا: موعد صلاة الجنازة على ضحايا حريق كنيسة أبو سيفين
وعلقت رضوى، إحدى رواد "تويتر": "إنت ليه بتتكلم وكأنه حادث مدبر ؟؟ هو النت كان قاطع عندك من الصبح ولا إيه؟ ماس كهربائي نتيجة خلل ف التكيف وكل اللي كانوا ف الكنيسة اعترفوا إن التكيف كان بايظ، بلاش جو المؤامرات اللي عايش في ده".
كما علق محمد عبد الهادي: "الفاعل.. الله المنتقم.. حق الضحايا، مفردات تحريضية تصدر من رجل المفترض إنه مسئول ودون دليل واحد مع أن محدش شافك في عزاء لهم ولا حد شافك في مستشفى لهم ولا حد شافك عند الكنيسة أو بتساهم في ترميمها يجب أن يكون هناك رد قاطع من المسئولين تجاه ما كتبته اتقاء للفتنة".
لم تقتصر ردود الأفعال على منشور نجيب ساويرس على المسلمين فقط، ولكن هاجمه الأقباط أيضا، وعلق "فينوس"، أحد رواد تويتر: "بدل ما انت عامل فتك كنت فزيت وبنيت كنيسة أخرى أو اصلحت ما اضره الحريق.. في ساعات زي يوم ما اصلحت القاعة اللي بيقام عليها افتتاح مهرجان الجونه أو اسكت واحترم أوجاع المصريين وخليك في كأسك".
وكتبت مريم أشرف: "ليه حضرتك وباقي رجال الاعمال مش بتجمعوا فلوس من بعضكم وتعملوا جهاز الاطفاء الأتوماتيكي اللي بيتحط في السقف دا والميه تنزل لو حصل حريق زي المستشفيات وكده لان الحوادث دي كتر جدا والاسعاف بيتاخرله ساعه ولا اتنين مفيش حل في الكنائس كده وربنا يرحم".
كما علق ياسر شكري: "صعيد ايه اللي في كلامك اللي انت بتعمله في الجونة ولا ليه علاقة بالصعيد ولا بأخلاق الصعيد ولا بتقاليد الصعيد ولا ليه علاقه بأسس وتعاليم الدين المسيحي ... بطل تكتب تويتات تحاول تاخد بيها الترند وتعملنا فيها صاحب قضيه يا نجيب بك ... الله يرحمهم جميعا والمخطئ عقابه أمام الله".
