جريدة الطريق رئيس التحريرمحمد عبد الجليل
الجمعة 27 يناير 2023 10:21 صـ 6 رجب 1444 هـ

«مش عاوزين أجر الرضاعة ومتنازلين عنه».. نهاد أبو القمصان تثير الجدل من جديد

نهاد أبو القمصان
نهاد أبو القمصان

ما زالت المحامية نهاد أبو القمصان، رئيسة المركز المصري لحقوق المرأة، تسلك طريقها في التصريحات المثيرة للجدل، وآخرهم الحديث عن أجر الرضاعة، إذ أنها نشرت مقطع فيديو على صفحتها الرسمية بموقع التواصل الاجتماعي "فيسبوك" يدور حول: "الأم غير ملزمة برضاعة أولادها شرعا".

وعلى الفور شن العديد من المتابعين هجوم عليها عبر مواقع السوشيال، خاصة بعد تأكيدها على المعلومة مرة أخرى معلقة: "ياريت م اسمعش معارضة على كلام ربنا استغفر الله العظيم".

اقرأ أيضًا.. «أهلها شخصيات سادية».. استشاري يوضح سبب تعرض فتاة للعنف الأسري

القران أنصف المرأة

ومن ثم أعادت أبو القمصان الحديث على هذا الأمر، قائلة: "اللي بيقولولي مش فاهمين إيه موضوع أجر الرضاعة دا؟ ومناسبته إيه؟ هفهمكوا.. الراجل اللي بياخد حتة من القرآن ويسيب الباقي.. بنفكره بباقي القرآن لأن ربنا عادل والقرآن أنصف المرأة ومليان حقوق هنعرفها للستات كلها إن شاء الله".

الإنفاق على كل حاجة

وأوضحت رئيسة المركز المصري لحقوق المرأة: "يعنى اللي يقول لمراته هتجوز عليكي ودا حقي والشرع بيقول مثنى وثلاث.. نقوله طب يا حبيبى براحتك.. ادفع اللي عليك الأول حقوق الستات اللي ربنا قال عليها فى القران والشرع برضوا.. من أول المهر للإنفاق على كل حاجة حتى أجر الرضاعة".

متنازلين عن أجر الرضاعة

وتابعت المحامية نهاد أبو القمصان: "الراجل الجدع اللي يحسس الست بالأمان ويعاملها بالمودة والرحمة ويعتبرها شريكته وحبيبته.. هنقول له ونقول للستات لاتنسوا الفضل بينكم.. وكمان ولهن مثل الذى عليهن بالمعروف.. وكل ست تشيل جوزها الجدع في العين والنني كمان.. ومتنازلين عن أجر الرضاعة".

المودة والرحمة

ويشار إلى أن نهاد أبو القمصان كانت قد تحدثت عن الزواج معلقة: "الجواز مبنى على المودة والرحمة والشراكة والأمان والصبر على الآخر.. لما حد يرهب مراته ويقولها هتجوز عليكي ودا حقي.. خلاص شوف حقوقها هى كمان.. اللي هيستخدم القرآن وبيقول حقى كمان يدفع اللى عليه.. علشان الناس يكونو شركاء فى مودة ورحمة مش تهديد وإرهاب نفسي وانعدام أمان".

اقرأ أيضًا: «جناية كبرى».. أحمد كريمة يفتح النار على نهاد أبو القمصان