خالد عليش يثير ضجة بمنشور غامض.. ومتابعون: ”متخليش الدنيا تغفلك”
أثار الفنان والإعلامى خالد عليش ضجة كبيرة من خلال تغريدة جديدة عبر حسابه الخاص بموقع بموقع التدوينات القصيرة "تويتر"، كتب فيها: "وحشتيني"، وتوقع المتابعون أنه يقصد طليقته ميما الشامي.
ولاقت التغريدة تفاعل عدد كبير من المتابعين وجاءت أبرز التعليقات كالتالي: " كلمها ومتخليش الدنيا تغفلك"، "معلش بقى إن شاء الله تجيلك"، "يارب ترجعلها عشان حتى بنتك"، "ماهي كانت في إيديك وأنت ضيعتها"، "ربنا يقرب البعيد ياعليش".
يُذكر أن الفنانة ميما الشامي أثارت ضجة كبيرة خلال الأيام الماضية، بعدما نشرت تفاصيل عن طليقها ومعاملته لها قبل الطلاق، مشيرة إلى أنه لا يتكفل بمصاريف ابنته، وذلك من خلال منشور طويل عبر حسابها بموقع فيس بوك"
وجاء في الرسالة التي نشرتها ميما مستنكرة "هو 4000 جنيه في الشهر يكفى بنت في مدرسة انترناشونال، في حين إن باباها بيقبض 75000 جنيه".
وأضافت: "ده غير الإعلانات والايفنتات وإعلانات السوشيال ميديا وطبعا أنا إللي كنت بتفق عالفلوس دي، فعارفة من سنة هو كان بياخد كام، وهو إللي أهاني وضربني وكنت أنا إللي بعتذر عشان هو محترم ومؤدب مع كل الناس إلا أنا".
وفي منشور آخر كتبت: "والنبي الناس إللي بتكلمني عشان أشيل البوست، أنتم ماتعرفوش أنا مستحملة ايه أنا وبنتي، وماتعرفوش أنا عملت مع الراجل ده إيه، وماتعرفوش أنا ساكتة بقالي قد إيه، وماتعرفوش أنا ببيع ايه عشان بنتي، لأن آخر 8000 جنيه، كانوا معايا هو أخدهم، وماتعرفوش أنا اتهنت ازاي منه ومن أهله ومن صحباته البنات".
اقرأ أيضًا: بعد نشر تفاصيل صادمة عن زواجهما.. تعرف على القصة الكاملة لأزمة خالد عليش وطليقته ميما الشامي
وأضافت: "البوست ده آخر حل عندي لأن ماكنتش عايزة أعمل كده مش عشاني ولا عشانه، احنا بينا ربنا وهيحكم بينا، بس بنتي مكانتش تستاهل كدة، فسامحيني يا ميما بس غصب عني، وميما الحمد لله فهمت كل حاجة بدري، لأنها شافت آخر موقف قدام عنيها".
