”أنتم أولى مني”.. طفلة مصرية تدعم لبنان على طريقتها الخاصة ”صور”
"من هند إلى بيروت، كنت عايزة اشتري حاجات كتير، بس أنتم أهم".. كلماتٌ دونتها طفلة صغيرةٌ على ورقة مالية من فئة المائة جنيهًا، تبرعت بها لصالح إعادة غعمار بيروت وإغاثة أهلها بعد الانفجار الذي وقع فيها مخلفا أكثر من 150 قتيلًا ومئات الجرحى ومسببًا دمارًا كبيرًا في العاصمة اللبنانة.
قصة الطفلة "هند" روتها شقيقتها شيماء النجار من خلال تدوينة كتبتها على صفحتها على موقع التواصل الاجتماعي "فيس بوك" قالت فيها: "كنت بجمع من البيت تبرعات لبيروت، فهند أختي اللي عندها 9 سنين قالتلي هدفعلك 5 جنيه، وبعدين بالمحايلة وصلناهم لـ20".
وواصلت: "وبعدين النهاردة عشان عارفة إني هروح بكرة أدفعهم في فوري وأنا رايحة الامتحان، لقيتها داخلة علي وأنا بذاكر وبتمدلي 100 جنيه وبتقولي بأسف، كان نفسي أشتري مقوي أظافر، بس الناس والأطفال اللي في بيروت أولى".
اقرأ أيضًا: سر العنبر رقم 12 والسفينة الغامضة.. كيف وصلت نترات الأمونيا إلى مرفأ بيروت؟ (مستندات ووثائق)
الطفلة هند، وفقًا لرواية شقيقتها، صممت أن تكتب على المائة جنيهًا عبارة: "من هند إلى بيروت، كنت عايزة اشتري حجات كتير، بس إنتم أهم".
الشقيقة الكبرى أكملت القصة قائلة: "وحطتلهم إيموشنات وكانت عايزة تلون وكده وتاخد فرصتها على 100 جنيه بس المساحة مكفتش.. فبحضنها بعد ما كتبت وبقولها أنا فرحانة إن دي أول مشاركة"، لترد الطفلة بشكل كوميدي: "لييييييه، هو في مشاركات تانية؟ هدعيلهم ميموتوش تاني عشان الفلوس اللي معايا يا دوبها تكفي الشيبسي والشيكولاتة".
