ميدو يوجه رسالة للنني بعد تألقه: ”اعتذر واصفق لك”
أكد أحمد حسام ميدو، لاعب الزمالك ومنتخب مصر الأسبق على أن محمد النني نجح في إثبات أن كُل مَن انتقده كان علي خطأ، وأنا أول مَن أعتذرلك وأُحييك علي ما قدَّمته".
وقال ميدو في تصريحاته ببرنامجه عبر "أوضة اللبس": " بعض الناس بتستغرب إزاي لاعب مُتألق في أقوي دوريات العالم ويجي منتخب مصر يظهر بشكل مُختلف تمامًا أمام منافسين أضعف، أنا علي سبيل المثال مرِّيت بالتجربة دي.. وبعض الناس كانت بتقول "ده بيخاف علي رجله"، لا عُمري ما خُفت علي رجلي".
اقرأ أيضًا: عاجل | بسبب مليار جنيه .. الزمالك في ورطة جديدة أمام وزارة الرياضة
وأضاف: "أنا كنت بخش مع المنتخب في الحديد، لكن الفكرة إن الريتم عندنا مُختلف تمامًا عن دوريات أوروبا، المنتخب ريتمه بطئ وبياخد وقت كبير في نقل الكورة، عكس الكورة الأوروبية اللي بتمتاز بسرعة كبيرة جدًا وده بيسهِّل علي أي لاعب خَلق فُرص مُحقَّقة لنفسه".
واختتم:" أنا قبل كده انتقدت النني كتير، ولكن ما يقدمه الآن يستحق الإشادة به، وزي ما انتقدتك أنا أول حد باعتذرلك وبصقفلك".
