”متهورة بس بحبك”.. كيف سخر نجوم الفن من مصالحة تامر حسني لـ بسمة بوسيل؟

استقبل بعض نجوم الفن، رسالة الفنان تامر حسني لزوجته الفنانة المغربية بسمة بوسيل، ورد الأخيرة عليها، بالتعليقات الساخرة ممازحين جمهورهم، وذلك على خليفة جملة "متهورة بس بحبك"، التي قالها تامر لزوجته، والتي لاقت انتشارًا واسعًا.

فتحي عبد الوهاب وياسر جلال

ومن بين النجوم الذين سخروا من طريقة مصالحة تامر حسني لزوجته، الفنان فتحي عبد الوهاب، حيث نشر عبر حسابه الخاص بموقع التواصل الاجتماعي "فيسبوك"، صورة له مع النجم ياسر جلال، يحمله الأخير فيها، وكتب ساخرًا: "متهور بس بحبك".

 

مصطفى درويش وريهام عبد الغفور

أيضًا شارك الفنان مصطفى درويش في السخرية مازحًا جمهوره، حيث نشر صورة له رفقة الفنانة ريهام عبدالغفور من كواليس حكاية "ربع قيراط" ضمن أحداث مسلسل "إلا أنا"، وعلق: "متهورة بس بحبك".

وفاجأ تامر حسني جمهوره باعتذاره لبسمة بوسيل كاشفًا تفاصيل الخلاف من خلال رسالة طويلة نشرها أمس عبر حسابه بموقع "إنتسجرام" من خلال خاصية الأستوري.

وكتب تامر حسني في رسالته: "بسمة حبيبتي للأسف إنتي مفكرتيش كويس وسلمتي ودانك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور، ودي طبيعة شغلي اللي عرفتيني بيها، إزاي وصلوكي للزعل وللبعد فترة".

واصل:"المهم أنا مش هزعل منك، ولا يرضيني زعلك، إنتي حبيبتي، وأم ولادي أنا سندك وظهرك مهما حصل، بس اللي عايز أقوله لعل نكون سبب خير في توعية ناس كتير، ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون، أو في زيارة رحيمة بينهم، ويا ريتها مشكلة أصلا، وربنا جعل ما بينا مودة ورحمة".

واستكمل: " عشان كده للأسف أنتي عارفة إن في ناس في طبيعتهم حب خراب البيوت، ومش هنخلص منهم بس إنتي اللي هتخلصي، من فكرة إنك تسمعيهم، مع إنك مكنتيش كده".

وتابع: "يا ريت تركزي مع طاقة الناس اللي دعولنا ودعوا لأولادنا بكل خير، وفعلا أنا بشكر كل الناس والفنانين اللي سعوا في الخير لينا، وأنا واثق إنك زعلانة دلوقتي إنك كتبتي كده، هو تصرف متهور منك بس ولا يهمك مش عيب الإنسان يغلط ويتعلم، وأنا ياما علمتك ولسه هعلمك".

واستطرد: " كان نفسي الكلام دا يكون بينا لكن إنتي أشركتي الجمهور الكريم فكان لازم أرد هنا، بينا حب غالي وحياة كريمة وأولادنا وبينا أغلى ما فيها ربنا يخلينا لينا ويخليهم لينا، يارب، متهورة بس بحبك".

فيما ردت بسمة بوسيل على رسالة تامر حسني، من خلال منشور عبر حسابها بموقع "إنستجرام"، عبر خاصية "الأستوري وكتبت: "فعلا اتهورت.. بس عشان بحبك.. آسفة".

اقرأ أيضا.. ”اتهورت عشان بحبك”.. بسمة بوسيل تعلن تصالحها مع تامر حسني

وكانت الفنانة المغربية بسمة بوسيل، قد فاجأت الجميع بإعلان انفصالها عن النجم تامر حسني، وكتبت: "لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات، يا ريت تبطلوا تبعتولي أي حاجة عشان مش فارقلي أي صور".

وأضافت: "أحب أعرفكم إن إحنا بقالنا فترة منفصلين وبنحضر أوراق الطلاق، يا ريت تحترموا مشاعر كل واحد فينا وبطلوا على الأقل تبعتولي أي حاجة... بالتوفيق".

وتزوج الفنان تامر حسني من الفنانة بسمة بوسيل، في 2012، وأنجب منها ابنتين، هما "تاليا وأمايا"، وولدا اسمه "آدم".