الفن

بعد زوجته.. خطيبة تامر عاشور تكشف الحقيقة: ”اتقدملي على أنه مطلق”

الأربعاء، 18 نوفمبر 2020 11:55 مـ بتوقيت القاهرة

كشف دارين حلمي ملكة جمال الكون للسياحة والثقافة الدولية لمصر لعام 2019، وخطيبة النجم تامر عاشور السابقة، حقيقة خطوبتها منه وهو متزوج.

ونشرت خطيبة تامر تاشور، بيانًا توضيحيًا على حسابها الشخصي بموقع تبادل الصور والفيديوهات الشهير إنستجرام، قائلة: "بسم الله الرحمن الرحيم، يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا، أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ، صدق الله العظيم".

خطيبة تامر عاشور

وأضافت: "نظرًا لاتهامات وإشاعات اتوجهت لي الفترة اللي فاتت وبدون وجه حق فكان لازم أخرج عن صمتي وأوضح موقفي لإن مش دارين اللي تاخد راجل متجوز أو تكون سبب في خراب بيت حد، وبالتالي مليش ذنب في أي حاجة، تامر دخل البيت من بابه واتقدم لأهلي رسمي على أساس أنه مُطلق وده اللي أنا كنت فاهماه زي زي جمهوره، عادي أن بنت ترتبط براجل مُطلق مش أزمة، وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت أنه لسه زوجته على ذمته وفيه قضايا بينهم ولم يتم الانفصال بشكل رسمي".

وتابعت: "أي بنت في الموقف ده طبعًا لازم تنسحب مهما كان الحب ومهما كانت العواطف لأن مش دارين حلمي اللي تاخد راجل من زوجته مهما كان هو مين، كده كده أنا كنت مستمرة في مسابقات ملكات الجمال و ليا الكاريير الخاص بيا، فكل مرة بقرر الانسحاب كان تامر بيرفض وإن كده كده الطلاق قائم سواء أنا في حياته أو لأ وده مش يخصني في شيء، وفي الآخر أنا صممت على فسخ الخطوبة بمنتهى الاحترام ما بيني وبينه لأنه مينفعش".

واختتمت: "كل التوفيق، والنصيب بإيد الله ربنا يوفقه في حياته ويوفقني في خطواتي الجاية إن شاء الله، تامر إنسان محترم مشفتش منه غير كل خير واحترام وحب وأنا بحترمه على المستوى الفني والشخصي لكن ده نصيب وربنا يوفقه في حياته وأتمنى محدش يتكلم في حاجه ميعرفش تفاصيلها وشكرا لكل الناس اللي بتحبني وعرفاني كويس، أظن أنا جاوبت على كل حاجة ومش هفتح الموضوع ده تاني نهائي أرجو احترام موقفي".

وتصدر اسم الفنان تامر عاشور، مؤشرات البحث على جوجل، بعدما كشفت زوجته أنها مازالت على ذمته، وتحاول الطلاق منه بشتى الطرق ولا تعرف، مشيرة إلى أنهما على ذلك الحال منذ نحو عام ونصف العام.