أول تصريح من حسني عبدربه بعد إقالة مدرب الإسماعيلي: ”انا مبسوط”
أبدى حسني عبدربه، قائد الإسماعيلي السابق سعادته بقرار إدارة النادي بإقالة البرازيلي ريكاردو، من تدريب الفريق الأول.
وقال عبدربه في تصريحاته لقناة "أون تايم سبورتس": "الفرقة اتسكنت غلط قبل بداية الموسم، مش دي قيمة اللعيبة إللي تلعب في الإساعيلي، مش هي دي الصفقات إللي إحنا كنا نتمناها تنضم للفريق".
وأضاف: "أنا مبسوط بكده علشان التغيير يبقى من بدري للي جاي، أنا خسرت النهارده من الجونة، واتعادلت مع الانتاج في الإسماعيلية، وكنت فرحان بالروح مش فرحان بالنتيجة اتعادل في الإسماعيلي؟، واتعادلت مع المصري وكنت فر حان، معلش مش ده الإسماعيلي، مع احترامنا للمصري والانتاج".
اقر أ أيضصا: ”كان ممكن يبقى رئيسا للأهلي”.. القيعي يكشف خسائر رمضان صبحي بعد رحيله عن الفريق
وتابع: "إحنا مدعمناش الفريق بشكل كويس، اللعيبة زمان كانت بتبقى هتموت علشان تلعب في الإسماعيلي، بس في عدم مصداقية مع اللاعبين والمسئولين في الإسماعيلي".
وأكمل: "نادي الإسماعيلي فيه لعيبة كويسة، أنا محتاج أجيب مدير فني يقدر ياخد صلاحية إنه يطلع من اللعيبة دي أفضل ما عندهم".
واستطرد: "ارحموني من حاجة اسمها ابن النادي، أكل العيش بيضر المصلحة العامة للفريق، في مدربين محترمين زي طلعت يوسف، مدرب كبير فاهم كورة واللعيبة هتقدره وتحترمه ممكن نتعاقد معاه".
واختتم: "الإسماعيلي بحاجة لمدرب مصري ذكي، يقدر يطلع أفضل ما عند لاعبي الإسماعيلي، أنا باتكلم عن مصلحة النادي الإسماعيلي من وجهة نظري؛ علشان في ناس بتاخد الكلام على هواها، وبتفسره على مزاجها، مع احترامي اللعيبة الموجودة وإن كان فيهم بعض اللاعبين المميزين، ولكن اللعيبة الحاليين مش هما إللي يقدروا يحققوا طموحات الإسماعيلي".
