بعد نجاحها.. حمزة نمرة يكشف قصة أغنية ”فاضي شوية”

حققت أغنية "فاضي شوية" للفنان حمزة نمرة، نجاحا كبيرا ووصلت نسبة مشاهدتها على "يوتيوب" لأكثر من 5 مليون مشاهدة.

وكشف حمزة نمرة، عن قصة أغنية "فاضي شوية"، عبر حسابه الشخصي بموقع التواصل الاجتماعي "فيسبوك"، وكتب: "قصة صغيرة وراء أغنية فاضي شوية، الشاعر الكبير والصديق العزيز محمد السيد "اللي كتب لي تذكرتي ودوري وغيرهم"، من حين لآخر بيبعت لي كلمات لناس تانية بيبقى شايف إنهم شاطرين، وكان من ضمنهم الشاعر الجميل "خليل عز الدين".

وتابع: "النص ده اتبعت لي في أكتوبر 2017، وعرفت إن خليل كتب الكلمات دي من 2014 تقريبا! يعني الكلمات اتكتبت من حوالي 7 سنين!، ومن ساعة ما قرأت الكلمات ودخلت قلبي مباشرة، وعاشت معايا السنين دي كلها عمّال بأدوّر إزاي الكلمات دي تتغنى وتطلع حلوة.. الحقيقة النص الأصلي كان صعب جدا في تلحينه، نظرا لأنه مكتوب بطريقة مختلفة شوية عن الأغاني، لذلك كنت كل ما أبدا فيها أعطل وأحس إن الأغنية مش مظبوطة".

وفاة الموسيقار إلياس الرحباني.. غنى لفيروز وصباح ونجوم كبار

وأضاف: "في آخر 2020 ربنا أكرمني بفكرة لحن، كلمت خليل وقولت له هنحتاج نغير شوية في بعض الحتت عشان كل حاجة تظبط، والحقيقة استحملني كتير وجرّب وعدّل كتير جدا، الحقيقة رغم السنين دي كلها إلا إني بأحمد ربنا إنه قدّر لي خروج الأغنية بالشكل ده، وبأحمد ربنا إنها أثرت في ناس كتير، شكراً يا خليل عز الدين".