”هفضل دايما اتباهى بيكي”.. ملك أحمد زاهر تشيد بمهارة شقيقتها في التمثيل
أشادت الفنانة الشابة ملك أحمد زاهر، بمهارات شقيقتها الفنانة الشابة ليلى أحمد زاهر، في التمثيل وذلك بعد نجاحها في مسلسل "في بيتنا روبوت".
ونشرت ملك ثورة تجمعها بشقيقتها ليلى، عبر حسابها الشخصي بموقع تبادل الصور والفيديوهات الشهير إنستجرام، وعلقت قائلة: "لا يمكن للكلمات أن تعبر كم أنا فخورة بما أنجزتيه حتى الآن".
وتابعت: "كنت معاكى لحظة بلحظة وانتى بتشتغلى وتتعبي علي نفسك وبتصوري مسلسلين فى نفس الوقت والاتنين ميقلوش عن بعض فى التعب و المجهود، كنت شايفة بعيني قد ايه بتتعبي و مش بتنامي و بتجتهدي و بتعملي كل اللي تقدري عليه عشان تطلعي كل واحد فيهم أحسن حاجة و فعلا تعبك مرحش عالفاضي يالولو عملتي أحلي مسلسل فالدنيا (في بيتنا روبوت) اللي مكانش في ألذ ولا أحلي منه فالدنيا و شفناكي وانتي (سارة) اللي مشاريعها فاشلة و تافهة و ملهاش فحاجة غير السوشيال ميديا تقريبا و خليتينا نصدق كل تفصيلة و نضحك علي كل إفيه و حقيقي كان أحلي مسلسل فالدنيا عملتيه و طلع حلو أوي كده عشان كمان معاكي هشام و شوشو و عمرو اللي فضلوا دايما فى ضهرك".
وأضافت: "عملتيلنا أكتر مسلسل مشوق فالدنيا (وادي الجن) و شفناكي و انتي (ليال) الذكية الشاطرة اللي قادرة تحل كل المشاكل بذكاء و دايما مركزة، ولا مرة حسيت إن في شبه بين سارة و ليال حقيقي بنتين مختلفين تماما مع إنك كنتي بتصوري الاثنين سوا و دي شطارتك انتي و مجهودك و تعبك بجد من كل قلبي فخورة بيكي و بحبك و هفضل دايما أتباهى بيكي و أقول أختي ممثلة شاطرة قوي".
اقرأ أيضا: ”لما تشتري برفيوم من العتبة”.. محمد أنور يسخر من عمرو دياب بعد إعلان عطره الجديد (صورة)
وشاركت ملك أحمد زاهر، مؤخرا في مسلسل لؤلؤ مع والدها الفنان أحمد زاهر، والفنانة مي عمر، والذي تدور أحداثه في إطار اجتماعي رومانسي يتخلله الإثارة والتشويق، هو من سيناريو وحوار محمد مهران وتولى إخراجه محمد عبد السلام، فيما أشراف على التأليف والإخراج محمد سامي.
