رانيا محمود ياسين تروي كواليس دخولها عالم الفن.. ورحلة إقناع والدها

تحدّثت الفنانة رانيا محمود ياسين عن كواليس دخولها للوسط الفني بعدما قوبل الأمر باعتراض شديد من والدها "الراحل".

وقالت في تصريحات لفضائية "النهار"، اليوم الخميس: "أقنعته بالمشاركة في العمل بعد عذاب، كنا بنتخانق بجد علشان أمثل وهو كان بيرفض من وقت ما كنت في أولى ثانوي.. هو كان بينتج وفيه زمايلي صغيرين بيمثّلوا معاه، أنا كنت أولى أمثّل معاه".

اقرأ أيضًا: وزير النقل يوضّح الأسباب الأربعة لحوادث الطرق.. فيديو

وأضافت: "كان دايمًا يقولي خلصي جامعة وبعد كده نتفاهم، ولما جيت أدخل كلية قولتله عاوزة أدخل فنون مسرحية لكنه رفض لإني دراستي كانت إنجليزي وهو كان عاوزني أدخل كلية مرتبطة باللغة شوية".

وتابعت: "مبرره كان إني لو غيرت قراري وأنا في الجامعة أعرف أشتغل حاجة تانية وكان بيقولي ممكن تقولي ياريتني ما دخلت الوسط وأبويا ظلمني".

اقرأ أيضًا: خبيرة طاقة: الأبراج تؤثر على الشخصية بنسبة 80%.. فيديو

وتحدّثت عن مشاركتها في فيلم قشر البندق قائلةً: "هو كان بينتج فيلم وكان عاوز يعمل حاجة للشباب الجديد اللي كان طالع.. والأسرة أقنعته لكنه اشترط إني لو سقطت السنة دي في الجامعة مش هاشم الشغل تاني إلا بعد التخرج".