جريدة الطريق رئيس التحريرمحمد عبد الجليل
السبت 28 يناير 2023 07:40 مـ 7 رجب 1444 هـ

فريدة سيف النصر تكشف حقيقة طرد رياض الخولي لمحمد رمضان

فريدة سيف النصر
فريدة سيف النصر

كشفت الفنانة فريدة سيف النصر عن موقف جمع الفنان رياض الخولي مع الفنان محمد رمضان، وذلك عبر حسابها على موقع التواصل الاجتماعي "فيس بوك".

وقالت فريدة سيف النصر في إطار دعمها للفنان محمد رمضان في أزمته مع الفنانة سميرة عبد العزيز: "كنا قاعدين بنتفرج على مشهد وبنتكلم في الاستراحة ودخل حبيب قلبي رياض الخولي اللي هناني بأدائي في أعمالي، ورياض معلم ونعلم جميعا قدر بعض ونحكي على الصعوبات وذكريات ومواقف.. وفجأة التفت لمحمد رمضان وقال له أنا زمان كنت أنت شغال معانا وكانوا جايبين لي كرفان (ده رياض اللي بيقول).
اقرأ أيضًا:وفاة المخرج هاني جرجس فوزي وتشييع جثمانه
وأضافت: دخلت لقيتك بتغير جلابية والإنتاج سمح لك فروحت مزعق وقولت مين جاب ده هنا وزعقتلك ونزلوك.. وكمل رياض وقال له اوعى تكون زعلان مني "دي أخلاق رياض".. رد رمضان وقال حقك يا أستاذ وأنا عمري ما أزعل من حق حد وحضرتك على راسنا وأنا والله ما فاكر حاجة "ده رد رمضان".

واستكملت حديثها قائلة: "أكيد ده اتكرر كتير مع محمد حاجات حكاها وحاجات لأ.. وأهو بقى له معجبين في العالم ونجم وبطل ومحبوب وماديا ما شاء الله وده (رد ربنا).. يوم أنا بقى ما تقابلت معاه لأول مرة لقيت فراشة حلوة طيبة جت جري عليا وبوس راس وإيد وترحيب وأخلاق وكلام طيب".

وختمت فريدة : "والله العظيم بيشتغل مع عيال بمعنى كلمة عيال سواء شهرة أو كم أعمال أو جماهيرية من النوعين ذكر وأنثى بتبقى بعيد عنكم ضربة القلب والغرور يا عين أمهم فهمهم غلط إن التناكة بداية النجومية والنجاح.. لأ بيفشلوا بعد شوية، يبقى نفكر بقى بالعدل.. الجدع ده اللي قد ابني بالظبط.. ربنا اداله ليه؟ بيحبب خلقه فيه ليه؟ إيه دراكم اتعمل فيه إيه تاني.. أنا بقول أهو كده كتير.. والله".