خالد سرحان يهاجم حلا شيحة: ”إللي ما يحترمش الفن يرجع الفلوس والڤلل اللي كسبها”
انتقد الفنان خالد سرحان حديث حلا شيحة عن التوبة وتبرؤها من المشاهد التي جمعتها بتامر حسني في فيلم "مش أنا"، ونصيحتها لزملائها في الوسط الفني.
وكتب خالد سرحان في منشور عبر حسابه بموقع "فيس بوك": "اللي الفن ما يحترمش يرجع الفلوس والڤلل اللي كسبها من الفن وساعتها هاصدقه".
وفاجئت حلا شيحة الجمهور بمنشور عبر حسابها بموقع "انستجرام"، كتبت فيه "أنا اتفاجئت جدًا بنزول كليب يجمع مشاهد متفرقة من الفيلم في أيام ذي الحجة المباركة، وخصوصًا بعد آخر بوست نزلته وضحت فيه أنا إيه، واتفاجئت أكثر خصوصًا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام، ورد الصيف اللي فات، وأكد لي أنه هيحترم رغبتي".
ووجهت حديثها لزملائها في الفن كاتبة: "أنا عارفة ومتأكدة أن زملائي جواهم خير بس للأسف فتنة الشهرة والنجاح مش بتخلينا نشوف، بتكلم من قلبي الكليب ده ميرضيش ربنا"، مشيرة إلى أنها بكت كثيرًا بعد مشاهدتها لتلك المشاهد حيث أوضحت أنها كانت زلة منها وتابت.
اقرأ أيضا: عاجل | أول رد من تامر حسني على هجوم حلا شيحة بسبب كليب ”بحبك”
واستطردت:"أنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط، أنا مش هتكسف أنا تبت من المشاهد دي وهي لا تصح وأنا غلطت وبصلح، والفن اللي بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
اقرأ أيضًا: أول رد من روبي بعد جدل شروط حفلها المقبل وأزمة حضور المحجبات
واختتمت موجهة رسالة لـ تامر حسني إذ كتبت: "الفيلم عمل إيرادات ونجح بمقاييس الدنيا، بس لم ينجح بمقاييس الآخرة، استغفر ربنا يا تامر وتوب عن اللي أنت فيه، وافتكر لما قلت أنا عايز أموت وأنا مش مطرب".
