مي فاروق لحلا شيحة: ”البسي حجابك لربنا مش لرجل”

وجهت المطربة مي فاروق رسالة قوية، بعد تصريحات الفنانة حلا شيحة حول مشاهدها في كليب "بحبك" من فيلم "مش أنا"، وهجومها على النجم تامر حسني.

وكتبت مي فاروق، عبر حسابها الشخصي بموقع التواصل الاجتماعي فيسبوك: "أحترم جدا الست اللي تقرب من ربنا عشان حبها في ربنا، اللي تبعد عن الدنيا تقربا من ربنا، إنما تلبس حجاب عشان رجل وتتطلق ف تقلعه وترجع تقول حلمي وبحاول الأقي نفسي وتتحول ١٨٠درجه !!!!! وبعدين ترجع تلبس الحجاب عشان رجل تاني وتخبط في زملاء وفي وسط هي واحده منه؟؟؟؟ مااقدرش احترمها أبدا".

وأضافت: "البسي حجابك لربنا مش لرجل الرجل بيروح وييجي غيره ربنا هو اللي باقي واحترمي الناس عشان يحترموكي مش مشكلتهم إن ماعندكيش مبدأ، بكره تتطلقي تاني وترجعي للوسط وللناس اللي بتقولي عليهم حرام دول بس ساعتها اللي هيشتغل معك او يشغلك يبقي يستاهل اللي يتقال عليه وللا ده تريند جديد؟؟؟؟".

يذكر أن الفنانة حلا شيحة، فاجئت جمهورها بمنشور عبر حسابها على موقع تبادل الصور والفيديوهات الشهير "إنستجرام"، تعلن فيه استيائها من عرض فيديو كليب "بحبك"، يضم بعض المشاهد التي تجمعهما ضمن أحداث فيلم "مش أنا".

اقرأ أيضا: بعد الهجوم.. حلا شيحة تغلق التعليقات على منشور تامر حسني

فيلم "مش أنا"، من بطولة نجم الجيل تامر حسني، ويضم العمل عدد من نجوم الفن، وهم حلا شيحة، ماجد الكدواني، سوسن بدر وغيرهم نخبة من النجوم. الفيلم قصة تامر حسني وإخراج سارة وفيق.