تعرف على موعد ومكان حفل أحمد كامل القادم

كشف المطرب أحمد كامل موعد ومكان حفله الغنائي القادم، وذلك من خلال حسابه الشخصي عبر موقع التواصل الاجتماعي "فيس بوك".


وتقام الحفل يوم 14 أغسطس المقبل في "ساقية الصاوي"، حيث يقدم كامل مجموعة من الاغاني المختلفة وابرزهم "ياليل"، "ما بقتش أخاف من الليل"، و"قصاد بابك".

وفي سياق أخر تعرض المطرب أحمد كامل لحالة نفسي سيئة، خاصة في ظل ظروف كورونا، حتى إنه وصل لمرحلة الاكتئاب.

ونشر أحمد كامل، منشورعبر خاصية “الإستوري” بحسابه على موقع تبادل الصور والفيديوهات “انستجرام” قائلا : “بقالي فترة طويلة جدا مليش نفس أغني، وبعمل أغاني بسمعها لوحدي، حالة عمري ما وصلتلها، ومفيش بني آدم واخد باله من اللي أنا فيه، شبه مكتئب، بس من ناحية كام حاجة، وبقيت بحس إن الأغاني شغل وبس، وبدأت أفقد الشغف تجاه الشيء الوحيد اللي حبيته من كل قلبي، ومستنتش منه يحبني، بس هو حبني وبعتكم ليا”.

وأضاف كامل : “كل اللي عايز أقوله من الكلمتين دول، إن الفترة دي خلصت، ورجعت زي ما أنا وأحسن، أحمد كامل رجع أقوى 100 مرة، مختلف تماما، والفترة دي مع قعدتي في البيت علشان الكورونا؛ علمتني اللي الدنيا كانت هتعلمهولي في 10 سنين قدام، جوايا غضب والله العظيم عمره ما كان جوايا، غضب إيجابي تجاه كل حاجة، مخليني عايز أكسر الدنيا بحالها، وأقول للكون كله، ده أنا، اللهم لك الحمد والشكر على أي نعمة رزقتني بيها، ويارب يا كريم في اللي جاي، اجهزوا”.