”مسحت كل صوري العائلية”.. مي كساب تفاجئ الجمهور : مريت بأصعب 11 سنة
كشفت الفنانة مي كساب، أن الفترة التي قضتها خلال إصابتها بفيروس كورونا المستجد، والذي تعافت منه قبل أيام، جعلها تواجه الحقيقة وتنظر للأمور حولها بشكل آخر، وأدركت كل شيء، مشيرة إلى أنها مرت بأصعب فترات في حياتها في السنوات الـ 11 الأخيرة.
وشاركت الفنانة مي كساب، جمهورها ومتابعيها صورة لها من حكاية "عقبال عوضك"، من مسلسل "زي القمر"، عبر حسابها بموقع "انستجرام" وعلقت: "الكام يوم اللي فاتو كانوا أطول مدة أقعدها لوحدي في حياتي وبعترف شفت الحقيقة الكاملة حقيقة نفسي حقيقة كل حاجة حواليه وعرفت قيمة كل حاجة وندمت علي كل لحظة ظلمت فيها نفسي أو ظلمت حد من اللي بأحبهم وبيحبوني".
وتابعت مي كساب: "اللي بتكتب دلوقتي مي بس بتاعة 2010 بس بمخ العشرين سنة اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضية تمام الرضا علي كل ابتلاء وكل مشكلة اتحطيت فيها لأن في الآخر ربنا سبحانه وتعالي كان بيحلهالي في الآخر عشان أقدر نعمه".
واضافت مى كساب: "أنا عدى عليا 11 سنة صعبين جدًا يمكن القريبين مني عارفين أنا استحملت إيه وواجهت إيه أنا مسحت كل لحظة مش عاوزة أشوفها تاني عشان بتفكرني إني كنت مش أنا وسببت كل لحظة وكل صورة بتعبر عنى وعن اللى جوايا، وعن أكتر حاجات مأثرة جوابا كفنانة وكإنسانة ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوة مع عيلتي الجميلة أكبر نعمة من رب العالمين".
وتابعت "كساب" حديثها مؤكدة: "جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي ال ١١ سنه دول بأعترف "عقبال عوضك"، كان عوضي الفني والإنساني بعد صبر ١١ سنة حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن".
واختتمت مي حساب حديثها قائلة: "أنا هارجع أنا وهاحارب وأقاوم كل روح شريرة وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانة صاحبه رساله وأكون خير في الدنيا بحبكم من قلبي وحقيقي حبكم ليه هوه الحياه".
