”مؤمن بقضاء الله”.. حسام داغر يعلن إجراء عملية جراحية

أعلن الفنان حسام داغر، إجراء عملية جراحية في مستشفى الصفوة، وذلك بعد إصابته بجرح كبير في ساقه خلال تواجده في جورجيا.

وكشف حسام داغر تفاصيل إصابته، وطلب من جمهوره بالدعاء له، عبر حسابه الشخصي بموقع التواصل الاجتماعي فيسبوك، قائلا: "مبحبش اتكلم كتير في حاجه تخص تعب عندي أو أشكي لحد وبحب دايما الناس تشوفني مبسوط زي ما بحب أشوفهم مبسوطين".

وأضاف: "أنا جيت من السفر امبارح بس كنت مصاب إصابه جرح كبير في رجلي وأنا في جورجيا ودخلت بسببها المستشفي الألماني هناك عملوا جراحة سريعة وافتكرت الموضوع هيخلص على كده بالمتابعة، ولكن بعد كام يوم لقيت الموضوع بيكبر ومخلصش ومضطر اعمل عملية النهاردة في مصر بعد ما رجعت وقالولي الحالة طارئة وللأسف العملية بنج كلي والمتابعة بعدها أهم لضمان نجاح العملية.. قلت الحمدلله وأنا مؤمن دايما إن قضاء الله أخف وأحن من أي حاجة تانية وأكيد ده الأفضل، لأني واثق إن ربنا بيختار لي الأفضل".

اقرأ أيضًا: بعد غياب طويل.. ظهور مفاجئ لفنانة معتزلة

وتابع: "بطلب منكم الدعاء بس لتخفيف أي آلام و بشكركم، أنا بس حبيت أشارك لحظات ضعفي زي لحظات فرحي لإني إنسان طبيعي بشعر بالخوف والضعف زي أي إنسان، وبمر بفترات مختلفة بس على طول بقول الحمدلله على كل شيء.. الحمدلله في السراء.. الحمدلله في الضراء.. الحمدلله عل كل حال".