عبر تويتر.. ياسمين صبري تفصح عن آرائها في العلاقات العاطفية والإنسانية
تحدثت الفنانة ياسمين صبري مع جمهورها من خلال "سبيس" عبر موقع التغريدات القصيرة "تويتر"، وشارك بهذه الخاصية 4 آلاف مستمع، وأفصحت عن آرائها في العلاقات العاطفية والإنسانية.
وأثناء حديثها تناولت ياسمين صبري فكرة الشعور بالآخرين حيث قالت: "الأطفال على فكرة زينا يقدروا يحسوا بالأشخاص الكويسيين وزي الحيوانات بالظبط، ديمًا الشخص الكويس الأطفال تروحله والحيوانات نفس الشيء بتبقى حواليه، وده ليس له علاقة بشكل أو مال ولا ريحة ولا طاقة".
ومن خلال هذا الموضوع نستعرض لكم أبرز تصريحات الفنانة ياسمين صبري:
- ثق في عقلك وفي حواسك لما تحس بحاجة لأن عقلك مش أذكى جهاز في جسمك الأذكى هو الشعور والاستشعار حاجة بتحسها أقوى من العقل وملهاش تفسير استفتي قلبك.
-احذر اللي بيزرع فيك طاقة ويسيبك تحققها علشان تخدم فكرته بيخليك تركز في السلبيات اللي قالهالك وبعدها إنت تصدقها وتصرفاتك تختلف لخدمة فكرته السلبية بيغيرك لأنه هزك فأنت لا إراديا بتحقق فكرته السلبية.
-أن لم تجعلك العلاقة مع من تحب شخصا أفضل فأنت مع الشخص الخطأ.
-دايما دور على اللي أحسن منك علشان هيخليك أحسن ودايما دور على المتطور علشان هيطورك ولما تختار اختار اللي يشدك لفوق، كما قامت بإعطاء بعض النصائح في مجال الطاقة والتنمية البشرية حيث قالت أن الطاقة شبه عدوى البرد ممكن تتنقلك على حسب طاقة الشخص اللي هتتعدي منه.
كذلك قالت أن كل مرحلة ليها أصدقاء معينين، ليه لازم نتعلم بعد القلم التاسع، كذلك أجابت على سؤال "إزاي ننضف نفسنا من الصدمات؟".
وقالت: "لازم تكون مستعد إنك هتغير حياتك تماما، فيه حاجات هتروح مع اللي هيتنضف لازم تتخلى عن حاجات مع تنضيف الصدمات دي".
وأجابت ايضًا على سؤال حول إمكانية الأشخاص من التخلص من آلام الماضي وقالت: "اه بس هنتخلص من أشخاص كتير معاه والحلو ف كدا إنك هتفتح أبواب لناس جديدة".
واختتمت حديثها مؤكدة على مدى حبها للكاتب الراحل مصطفى محمود وقامت بترشيح عددا من كتبه وهم "كتاب الأحلام" والذي تحدث فيه عن الأحلام من الجانب النفسي والعلمي، كذلك كتاب "الله والإنسان" والذي يدور حول بحث الإنسان الدائم عن الخلاص في أي مذهب أو ديانه يعتنقها.
اقرأ أيضًا.. حمو بيكا: ”زمايلي غنوا مهرجانات في الاختبارات ونجحوا”.. اشمعنا أنا - (فيديو)
