وسط جدل وفاتها.. «سعاد حسني» في رسالة مؤثرة: ربنا موجود
تمر اليوم الذكرى الـ21 لـ وفاة أيقونة الدلع الخالدة في أذهان محبيها بصوتها ورقتها وحتى شقاوتها «سعاد حسني»، فكما تركت إرثًا من الأغاني والأفلام الراسخة حتى يومنا هذا خاصة في أعياد الربيع، تركت السندريلا خلفها قصيدة من كلمات مؤثرة بعنوان«ربنا موجود».
بعد تصريحات الفنانة «سميرة أحمد» المثيرة للجدل بشأن وفاة السندريلا «سعاد حسني» الغامضة، والتي أكدت فيها أنها لم تكن انتحارًا ولمحت إلى وجود شبهة في جريمة حول الموضوع.
اقرأ أيضًا: في ذكرى وفاتها.. صورة مأساوية أنقذت حياة الفنانة «آمال فريد»
ننشر لكم قصيدة مؤثرة على لسان السندريلا، كتبتها بخط يدها، تناجي فيها ربها بكل عفوية، وكأنها ترد على كل ملابسات وشائعات وفاتها بلسان حال يقول "ربنا موجود.. وقادر على كل شىء".
نص قصيدة السندريلا
تقول سعاد حسني في رسالتها إلى الله: "مين اللي كور الكرة الأرضية.. مين اللي دورها كدة بحنية.. مين اللي في الفضا الكبير علقها.. ماتقعش منها نقطة مياة.. مين اللي عمل البني آدمين.. مفكرين ومبدعين.. مين اللي ادانا عقول وقلوب وشفايف تسأل هو مين.. مين اللي دايما صاحي واخد باله وكلنا بنحبه جل جلاله.. ربنا.. احنا بنحب ربنا.. وربنا بيحبنا.. ويحبنا أكتر كمان لما نحب بعضنا.. عمل الفراشة بأجنحة وزوقها.. وكل فكرة مدهشة حققها.. البحر حطله ملح لأجل يعوِم.. وماسابش حاجة إلا لما خلقها.. ربنا.. مين اللي لما بنطلب يسمعنا وفي وقت الحزن يشجعنا.. ولما بنفرح نشكر مين.. على إنه بسطنا ومتعنا.. مين اللي قلبه علينا واحد واحد.. وكلنا بنحبه هو الواحد.. ربنا.. احنا بنحب ربنا وربنا بيحبنا.. وربنا بيحبنا.. ويحبنا أكتر كمان لما نحب بعضنا.. سألتني طفلة قلت هو ما بينا.. موجود في كل مكان وبيبصلنا.. يشوف بنسعد بعض ولا لا.. ومن الخطر يحرسنا ويحوش عنا".
"في كل مكان ربنا موجود جنب الضعف وجنب المجهود.. يا ربنا انت جميل ومفيش كمثلك في الوجود.. مين الصديق اللي مفيش غنا عنه.. وكلنا بنحبه ونخاف منه.. يا ربنا انت جميل ومفيش كمثلك في الوجود.. يا ربنا.. يا ربنا انت جميل ومفيش كمثلك في الوجود.. يا ربنا انت جميل ومفيش كمثلك في الربنا".
