”ماشي تعاكسها”.. شقيق ياسمين عبد العزيز يهاجم أحمد العوضي مجددا

نشر وائل عبد العزيز رسالة جديدة رد فيها على أحمد العوضي عبر حسابه الخاص بموقع "فيسبوك" بعد أن قام بإغلاق صفحته، بعد هجومه على شقيقته ياسمين عبدالعزيز و"العوضي" على خلفية ارتباطهما.

وكتب أحمد العوضي عبر حسابه الخاص بموقع "فيسبوك": "ردك متوقع جدا لأن هو ده أسلوبك ومش هيتغير بس أنا هرد عليك..بالنسبة إن حد بيصرف عليا عمرها ما أديتني جنيه في جيبي وأحب افكرك إني قاعد في بيت ايجار وراكب عربية كنت جايبها قسط من شقايا وأظن إنت شوفتها أيام مسلسل لأخر نفس لما كان معاك عربيه لانسر .. ويادوبك حوشت عشان أغير عربيتي قريب ..وحتي لو حد من أهلي ساعدني في وقت ضيقه أنت مالك !! .. والا معندكش كلام تقوله !!!؟".

وأضاف وائل عبد العزيز : "أما الشغل اللي أنا فاشل فيه فلو بتعتبر 17 جايزة أخدتهم في أربع سنين فشل فياريت تعرف تبقى فاشل زي، لكنك مش هتعرف للأسف.. ومش أنت اللي تحدد فشلي ونجاحي في أي شيء لأنك طالع على رقبة الناس، أما أختي فالمواقف والسنين اللي فاتت هيا اللي هتبين أنا عملت عشانها إيه.. وكلمة إني طالع على حسها كل الناس عارفة إني شقيت طريقي لوحدي من ١٥ سنة وعلى الرغم من ده فأنا عادي أبطل تمثيل من بكره قدام مصالح أختي".

وتابع شقيق ياسمين عبد العزيز: "أخيرا بقى.. ردك ده علّيا أثبتلي إنك ولا همك الإنسانة اللي أنت ماشي تعاكسها في كل حتة وعلى صفحات السوشيال وسيبت المهم وابتديت في تشويهي ومفكرتش تاخد خطوة محترمة تجاهها، إلا إنك جريت عل الترند وهتشتغل شغل قذر لأن ده اللي يهمك "ترند" "دور بطولة" "فلوس" "عربيات".

وأضاف: "وبالنسبة للناس اللي بتقول إني بتكلم على موضوع زي ده على السوشيال ياريت تدخلوا تشوفوا صفحاتهم وتعرفوا إن الموضوع متعارف عليه للناس إلا أهلها.. ياسمين سألتني بعد الطلاق إنها ممكن تحب وتتجوز وانا أول واحد قولتلها طبعًا حبيبتي ومن حقك وهبقى أول حد يفرحلك.. بس مش أنت!! لأني أعرفك من سنين وعارف نواياك والأيام هتثبت صحة كلامي".

اقرأ أيضًا: ”كرارة مقاتل والعوضي إرهابي”.. سينرجي تطرح البرومو الأول لـ”الاختيار”

وانهى وائل عبد العزيز كلامه كاتبًا: "نصيحة مني ليك لما تدخل على ست متختارش وقت ضعفها وخروجها من طلاق ومشاكل، لو فعلا بتفهم كنت بقيت صديق ينصح ويحافظ ويخاف لحد ما تبقى قوية تاني.. مش يتصور صور زي دي يا محترم.. وأخيرا في 5 اكونت باسمي على فيس بوك وإنستجرام معرفش عنهم حاجة.. وده آخر كلام عندي في الموضوع ده وهسيبه للأيام تكشف الحقائق".

وجاء ذلك ردًا على أحمد العوضي بعدما هاجمه بسبب الرسالة الصادمة والفاضحة التي نشرها وائل عبد العزيز مهاجًا شقيقته ياسمين عبد العزيز ومتهمًا أحمد العوضي باستغلالها ماديًا وارتباطه بها في الخفاء مشيرًا انه لم يصلح كزوج لها.