نور هشام سليم يدافع عن سارة حجازي.. ويفجر مفاجأة حول تحوله
وجه "نور" ابن الفنان هشام سليم، المتحول، رسالة إلى الجمهور من خلال مقطع فيديو جديد بثه عبر الاستوري بحسابه الخاص عبر موقع إنستجرام، مدافعًا عن سارة حجازي بعد الهجوم الشديد عليها بعد انتحارها حيث اعتبر البعض أنه لا يجوز الترحم عليها لانها مثلية.
ووجه نور هشام سليم رسالة قوية للجمهور من خلال الفيديو حيث قال: "اللي راضي بيا ومش راضي بملك وسارة حجازي يبقي منافق، وده ملهوش علاقة بالدين ولا الإسلام، لا دا دينك انت وحياتك انت، وبراحتك تفكر بطريقتك بس متفرضش دينك علينا".
ابن هشان سليم أجريت عملية تحويل وليس تصحيح
وتابع ابن هشام سليم حديثه كاشفًا عن مفاجأة حيث صرح أنه لا يعاني من خلل هرموني قائلًا: "اللى هيجي يقول لا أصل انت عادي بس المثليين والمثليات حرام، هقولكم حاجة أنا مكنش في خلل هرموني، ولا كان في حاجة، دا كان تحويل، فا أنا قدام ربنا اللى عملته دا غلط، بس انتو كلكم ماشيين حبيبي يا نور وعيش مبسوط، بس سارة حجازي ماتت بس أحسن".
وواصل ابن الفنان هشام سليم حديثه، قائلاً: "هتقولوا عليا كدا لما اموت؟ عادي مش فارقلي، بس لو انت بتشرب وبتزني، أنا زي زي سارة حجازي، واللى مش راضي بيها مش راضي بيا، واللى مش راضي بيها مش عاوزة عندي".
ابن هشام سليم يدافع عن سارة حجازي
وأضاف نور هشام سليم مدافعًا عن سارة حجازي: "احنا بني أدمين يا جماعة، الجريمة بتاعتها ايه؟ انتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا".
اقرأ أيضًا: السندريلا والعندليب.. لغز قصة حب عبد الحليم حافظ وسعاد حسني (صور)
واختتم نور هشام سليم حديثه قائلا: "انتو لو فاكرين لو دا اختيار انى اطلع مثلي أو مثلية يبقوا انتو مش فاهمين حاجة خالص، ليه اختار إن أنا اتغذب، ليه اختار حاجة زي كدا، فكروا فيها".
