”جوزها بعت صورها بقمصان النوم لأصحابها”.. مريم تستغيث: هاتولي حقي أنا وبنتي
"أنا مريم عادل السيد ثابت، حاليًا قدام القانون و قدام ربنا على ذمة "أ م. ع. م"، بس أنا رافعة عليه خلع، بسبب إنه بيضربني وبيشتمني وبيعاملني أسوأ معاملة"، كلمات بدأت بها "مريم" استغاثتها التي نشرتها عبر صفحتها على موقع التواصل الاجتماعي "فيس بوك"، والتي طالبت خلالها بحمايتها من زوجها الذي يعتدي عليها ويضربها ويبتزها ويرسل صورها بـ"قمصان النوم" إلى أصدقائها ومعارفها.
تواصل "مريم" في استغاثتها التي لاقت انتشارًا كبيرًا على موقع التواصل الاجتماعي وحظيت بتفاعل كبير من رواد الموقع: "يستحيل معاشرته بكل الطرق إذا كان بسبب عدم اهتمامه بنضافته الشخصية وبشهادة أهله، أو بسبب حاجات تانية مقدرش أكتبها على الملأ، أنا من شهر 7 سايبة البيت مصرفش لا عليا ولا على بنتي جنيه، بنتي كانت بتموت وميعرفش عنها حاجة ولما اتصلت بزميلته في الشغل عشان يرد عليا ويجي يودي بنته لدكتور اتصل بماما وشتمها بألفاظ خادشة، ومسجلة المكالمة".
مريم: فيه ناس معرفهاش بعتلها صوري
لم تتوقق معاناة "مريم" عند ذلك الحد، حيث وصل الأمر إلى حد لم تكن تتوقعه، حيث تقول: "آخر مرة ضربني أنا وبنتي كسر مناخيري وعملي إصابات في فخدي الأيمن بسبب إنه كسر عليا أباجورة الأوضة، دلوقتي أنا قفلتله الأكاونت بتاعه لأنه بيبتزني وبيبعتلي شتيمة من عليه، غير الأكاونت الفيك اللي عامله و بيشتمني منه، وفي الآخر ألاقيه باعت صوري بقمصان نوم كنت ببعتهاله، كنوع من تغيير الروتين، وبيهددني انه ينزلها على النت".
وواصلت "مريم" استغاثتها: "أرجوكم زي ما بتشهروا بناس وتجيبوا حق ناس أنا عايزة حقي، أنا مسرقتش إيميله زي ما هو كاتب أنا قفلته بكثرة الريبورتات عليه لأنه كان بيشتمني و يبتزني، فيه ناس معرفهاش بعتلها صوري أقسم بالله و الله ناس ما أعرفها فعلا والمصيبة إنهم رجالة وبعتولي صوري، أنا كل ده هرفقه بمحضر في النيابة أرجوكم وصلوا صوتي لحد كبير في البلد أنا محتاجاكم تقفوا جنبي".
اقرأ أيضًا: ”أمه وجوزها ضربوه بالكرباج والسكينة”.. إيداع الطفل ضحية التعذيب بالإسماعيلية في دار رعاية
وأرفقت الفتاة العديد من صور المحادثات "إسكرينشوتس" بينها وبين أشخاص آخرين أرسلوا لها صورا لها وأخبروها أن زوجها هو من أرسل الصور لهم.
