بعد مهاجمته.. أحمد السقا يرد على تامر حسني: إحنا كده خالصين

وجه الفنان أحمد السقا، صباح اليوم الأحد، رسالة جديدة للنجم تامر حسني، بعد الجدال الذي دار بينهما خلال الأيام الماضية.

وكتب السقا، عبر صفحته الرسمية بموقع التواصل الاجتماعي "فيسبوك"، "رسالة إلى صديق عزيز.. صديقى وأخى العزيز تامر حسنى.. أنت عارف اللى بينى وبينك عيش وملح وحاجات كتير.. قد أكون أخطأت إنى اتكلمت في الموضوع على الهوا، ولكن يعلم الله كم كنت مجروحا وكم كنت حزينا".

أضاف السقا مخاطبا تامر حسني: "مش هاطول عليك أكتر من كده ولو أنا زعلت شوية وأنت شوية نبقى خالصين يا عم.. تامر حسنى إحنا اللى بينا كتير ماتزعلش يا عم وحقك عليه.. وميعادنا الحفلة اللى جاية".

وكان الفنان أحمد السقا، كشف خلال حلوله ضيفا على برنامج "السيرة" عبر فضائية DMC، أن سبب حزنه من تامر حسني بسبب فيلمه الأخير "الفلوس"، حيث تحدث معه بطل العمل بظهوره كضيف شرف، وفوجئ بظهوره على الأفيش وكأنه ضمن الأبطال، ثم أخبر تامر برفضه لذلك ولكنه لم يفعل شيئا.

اقرأ أيضا| أحمد السقا يهاجم تامر حسني: عمل معايا موقف مايصحش.. ومشاكله كترت (فيديو)

فيما حرص تامر حسني على أن يرد على السقا بالأمس، وكتب عبر "إنستجرام": "حبيبي وأخويا وصديق العمر ونجم الدنيا كلها أحمد السقا.. كنت أتمنى إنك تكلمني بيني وبيك ولو كنت زعلان من أى حاجة أو فاهم أى حاجة غلط، لأن الحاجات دي لا يمكن تفوتك وأنا كنت اتمنى مكتبش الكلام ده هنا بس عشان بعد كلامك في التليفزيون الجمهور الكريم بقى ليه إنه يفهم الصح، أنت ظلمتني وقلت لي في موقع وعليه صورة افتراضية للفيلم وكاتبين إنك بطل في الفيلم وأنا رديت عليك إن دي اجتهادات والصورة من تصميم المحبين حتى أنا مقولتش إن الشركة المنتجة لأنها شركة كبيرة.. لا يمكن إن الشركة تعمل كده لأن الفيلم متباع بالخارج باسم أخوك تامر حسني وأصلا أفيش الفيلم الرسمي نزل ومفيهوش صورتك ولا اسمك وأنا شرحت ده من سنة واتكلمنا مرتين".