مجدي كامل يكشف لـ”الطريق” آخر تطورات الحالة الصحية لابنه ”عادل”
كشف الفنان مجدي كامل، آخر تطورات الحالة الصحية لنجله "عادل" الذي أعلن عن مرضه مؤخرا، عبر منشور له على حسابه الشخصي بـ"إنستجرام"، آثار تعاطف الجميع معه.
وأكد كامل في تصريح خاص لـ"الطريق"، عن تحسن الحالة الصحية لنجله "عادل"، قائلا: "الحمد لله هو بقى أحسن".
وتابع كامل، عن تعرض أفراد أسرته للكثير من الأمور الصعبة الذين عاشوها خلال الفترة الماضية، من حوادث وإصابات وأمراض، قائلاً: "الحمد لله، قدر الله وماشاء فعل".
وطالب مجدي كامل من الجمهور الدعاء لهما كثيرا في هذه الفترة الصعبة الذين يعيشونها، قائلا: "الحمد لله علي كل حال ياريت الكل يدعولنا".
وكان عادل مجدي كامل، نشر مؤخرا، صورة له من أمام الكعبة وكتب في رسالة طويلة: "أنا بكتب الكلام ده وأنا إيدي بتترعش وفعلا تعبان ومش قادر، ومش عارف أنا عندي إيه، ومش عارف أتكلم مع حد علشان مش عايز أخلي حد يشيل همي، بس أنا هكتب الكلام اللي عايز أكتبه ده علشان أنا مش عارف اللي جاي إيه ولا هيحصل إيه، أنا حياتي بايظة بقالها أربعة شهور من يوم 15-6 لحد النهاردة 15-10".
أضاف عادل: "الأربعة شهور دول أوحش أربعة شهور عدوا عليا في حياتي، من يوم ما جيت الدنيا علشان حصلي فيهم حاجات وجعتني وتعبتني وأثرت على نفسيتي، أولهم كان أول حب في حياتي عاش لمدة سنة ونص وكان نهايته يوم 15-6، بعدها كان وفاة حفناوي صاحبي وأخويا يمكن مكناش قريبين من بعض بس مجرد مبنتكلم مع بعض أو بنشوف بعض بيبقى أكننا نعرف بعض من الحضانة، وكان في ذكريات حلوة أوي لينا مع بعض".
اقرأ أيضًا: أول ظهور لداليا مصطفى بعد خضوعها لعملية جراحية.. وتكشف مفاجأة: ”الحسد كلمة السر” (فيديو)
وتابع: "بعدها البيت بتاعنا لما غرق كله ولحد دلوقتي منعرفش غرق إزاي ولا إيه اللي حصل، بس الحمد الله على كل شيء ولحد دلوقتي البيت لسه بايظ، وآخرهم بقى وده لسه من 3 أيام إني تعبت جدا فجأة، وتعبت تعب مش عادي ومش عارف أنا عندي إيه ولا الدكاترة عارفين أنا عندي إيه، خدت جميع الأدوية وخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل".
